web counter
LEXO PA REKLAMA!

SHKARKO APP

App Store
Google Play

E fundit!

x

Shehu akuza Ramës: Ka qëndrim jomiqësor ndaj administratës Trump, nuk e përshëndeti Planin e Paqes për Ukrainën

30 Nëntor 2025, 13:58, Aktualitet CNA

Shehu akuza Ramës: Ka qëndrim jomiqësor ndaj administratës

Deputeti i Partisë Demokratike, Tritan Shehu ka akuzuar kryeministrin Edi Rama se po mban një qëndrim jo miqësor ndaj Shteteve të Bashkuara të Amerikës, që pas zgjedhjes së Donald Trump si president. 

I ftuar në Syri Tv, Shehu tha se qeveria shqiptare është e vetmja në Evropë që nuk përshëndeti Planin e Paqes të administratës Trump për Ukrainën. Sipas tij, Shqipëria pavarësisht se është vend i vogël duhet të kishte një reagim lidhur me planin prej 28 pikash.

“Unë mendoj që jemi përballë një situate absurde, të rrezikshme dhe dëmtuese për Shqipërinë. Sepse kryeministri vazhdon të mbajë një marrëdhënie ose një qëndrim jo miqësor së paku, konfliktual, akuzues, ndaj Shteteve të Bashkuara të Amerikës, padyshim kjo që prej ardhjes së administratës Trump në krye, në drejtimin e Shteteve të Amerikës. Janë disa deklarata rresht. Janë disa qëndrime të mediave këtu në Shqipëri, po të shikoni me vëmendje pro-Ramës, që nuk humbin, nuk duan të humbin asnjë rast pa goditur administratën Trump, presidentin Trump, qëndrimet e tij.

Por ka dhe një gjë tjetër. Rama, ndoshta qeveria shqiptare është e vetmja qeveri në Evropë, e cila nuk përshëndeti, për shembull Planin për Paqen në Lindjen e Mesme të presidentit Trump. Nuk e inkurajoi dhe nuk tha një fjalë të mirë për këtë plan, i cili siç duket po zhvillohet pavarësisht vështirësive dhe po ecën duke tentuar të sigurojë një periudhë paqeje në atë zonë.

Ishte qeveria Rama, ishte Rama personalisht i cili nuk një fjalë pozitive dhe inkurajuese, pavarësisht se sa vend i vogël dhe sa rol të vogël mund të kemi ne, por në mënyrë deklamative kjo duhet bërë se jemi dhe anëtarë të NATO-s, për planin Trump prej 28 pikash për paqen në Ukrainë.

Një plan i vetëm që është sot për atë paqe dhe rreth të cilit po bëhen të gjithë diskutimet për të realizuar paqen dhe ndalimin e zjarrit në Ukrainë. Përveç elementëve të tjerë, të cilët kërkojnë realisht vetëm të insultojnë presidencën e Trumpit dhe aksionet  e Shteteve të Bashkuara të Amerikës, Shtëpisë së Bardhë, për forcimin e stabilitetit dhe paqes në, në tërësinë e botës, si e vetmja forcë e cila mund të krijojë këto, këto premisa dhe rreth të cilave diskutojnë të gjithë të tjerët”, tha Shehu. /CNA





Lajmet e fundit nga