web counter
LEXO PA REKLAMA!

SHKARKO APP

App Store
Google Play

Rrëzimi i kërkesës së SPAK nga PS/ Këlliçi: PD e kishte paralajmëruar këtë vendim

9 Mars 2026, 22:12, Aktualitet CNA

Rrëzimi i kërkesës së SPAK nga PS/ Këlliçi: PD e

Deputeti i Partisë Demokratike, Belind Këlliçi është shprehur mbrëmjen e sotme se vendimi i PS-së për të rrëzuar kërkesën e SPAK për imunitetin e Belinda Ballukut, ishtë paralajmëruar nga PD-ja prej tre muajsh.

Në emisionin “Të Paekspozuarit”, Këlliçi u shpreh se kryeministri Edi Rama e ka kthyer PS-në në “mburojë të korrupsionit të qeverisë”.

“Është vendim i paralajmëruar nga PD prej tre muajsh. Sot zyrtarisht mazhoranca, kryeministri, e ka kthyer PS-në në mburojë dhe garante të korrupsionit qeveritar. Po të shohësh justifikimet, janë qesharake. Të pretendosh se kallëzimi ndaj Ballukut ka natyrë dhe ngjyrim politik, pasi është firmosur nga ish-kreu i PD-së dhe kreu i grupit parlamentar, ndërkohë për zotin Berisha, bëri thirrje për t’iu hequr imuniteti, kur kallëzues është Taulant Balla. Vetëm standard i dyfishtë nuk mund të quhet.

Sipas kryeministrit kjo është çështje politike pasi kallëzues është PD. Vetë mbrojtësit e zonjës Ballukut janë shprehur prerazi dhe qartazi se kjo çështje nuk ka natyrë politike dhe nuk kemi të bëjmë me çështje politike. Këtë mbrojtje që i ofroi sot Rama, nuk ia ka ofruar as ekipi i saj mbrojtës. Të thuash se akuza u ngrit për disa mesazhe të gjetura vite më parë, kur para Këshillit të Rregullores dhe Mandateve, kanë ardhur kreu i SPAK dhe prokurori i çështjes dhe kanë thënë duhen furgonë për të sjellë materialet për intimidimet që janë bërë.

Nuk ka asnjë argument juridik, ligjor, ka vetëm paranojë se mos ky precedent i vendosur me pezullimin e Ballukut, shkon deri te zyra e kryeministrit. Kjo mbrojtje nuk ka të bëjë me zonjën Balluku. Pemishtja e Kryeministrisë sot nuk ka patur mungesa në dardha, fiq, e me rradhë… Për herë të parë në këtë dekadë dhe me SPAK-un e ngritur, nuk foli për mollë dhe dardha të ngrëna”, u shpreh Këlliçi. /CNA





Lajmet e fundit nga