Lufta kundër korrupsionit/ SPAK: Mbi 50% e zyrtarëve të nivelit të lartë janë dërguar për gjykim

9 Mars 2026, 13:43, Aktualitet CNA

Lufta kundër korrupsionit/ SPAK: Mbi 50% e zyrtarëve të nivelit

Raporti i SPAK-ut për 2025 thekson se është regjistruar një rritje prej 17.7% të çështjeve dhe hetimeve të reja dhe 12.2% të çështjeve/hetimeve të përfunduara krahasuar me vitin paraprak.

Ky aktivitet ka rezultuar në dërgimin në gjykatë të 24 procedimeve për korrupsion jo të nivelit të lartë, me gjithsej 147 të pandehur, si dhe 10 procedimeve për korrupsion të nivelit të lartë, me 13 të pandehur.

Hetimi ndaj zyrtarëve të nivelit të lartë ka vijuar me vendosmëri, me 6 procedime të reja dhe 16 persona nën hetim.

Nga 30 zyrtarë dhe ish-zyrtarë të lartë të hetuar gjatë vitit 2025, mbi 50% e tyre (18) janë dërguar në gjykatë me kërkesë për gjykim, ndërsa 10 janë dënuar me vendim të formës së prerë, duke treguar efektivitet në ndjekjen penale në nivelet më të larta të administratës publike.

Raporti thekson gjithashtu një nivel të lartë besimi të publikut te SPAK-u, pasi 33.5% e procedimeve të filluara gjatë vitit kanë nisur me kallëzim nga qytetarët.

Këto të dhëna tregojnë se SPAK-u ka vijuar me sukses forcimin e luftës kundër korrupsionit, duke ruajtur efektivitetin dhe pavarësinë në trajtimin e rasteve më të ndjeshme.

“Në vitin 2025, SPAK ka vijuar të intensifikojë luftën kundër korrupsionit, duke regjistruar një rritje prej 17.7% të çështjeve/hetimeve të reja dhe 12.2% të çështjeve/hetimeve të përfunduara.

Ky aktivitet i shtuar reflektohet në dërgimin në gjykatë të 24 procedimeve me 147 të pandehur për korrupsion jo të nivelit të lartë, si dhe 10 procedimeve me 13 të pandehur për korrupsion të nivelit të lartë.

SPAK ka vijuar me vendosmëri hetimin e zyrtarëve të nivelit të lartë, me 6 procedime të reja dhe 16 persona nën hetim.

Nga 30 zyrtarë dhe ish zyrtarë të lartë nën hetim gjatë vitit 2025, mbi 50% e tyre (18) janë dërguar në gjykatë me kërkesë për gjykim, ndërsa 10 prej tyre janë dënuar me vendim të formës së prerë, duke treguar qëndrueshmëri dhe efektivitet në ndjekjen penale në nivelet më të larta të administratës publike.

Sipas të dhënave statistikore evidentohet niveli i lartë të besimit të publikut tek SPAK. Në vitin 2025, hetimet e filluara me kallëzim nga shtetas, zënë rreth 33,5% të totalit të procedimeve të filluara gjatë vitit 2025”, thekson Prokuroria e Posaçme./ CNA