web counter
LEXO PA REKLAMA!

SHKARKO APP

App Store
Google Play

E fundit!

x

Seanca për masën e sigurisë në Apel, pritet vendimi për gazetarin gjobaxhi

9 Mars 2026, 14:28, Aktualitet CNA

Seanca për masën e sigurisë në Apel, pritet vendimi për

Sot në Gjykatën e Apelit po zhvillohet seanca për masën e sigurisë për gazetarin gjobaxhi Elio Lazaj.

Pritet që gjykata të japë vendimin për gazetarin gjobaxhi në lidhje me masën e sigurisë. 

Gazetari gjobaxhi Elio Lazaj u arrestua më 12 shkurt të 2026 pas një operacioni nga Policia e Tiranës.

Lazaj akuzohet për veprën penale "Shtrëngimi me anë të kanosjes dhe dhunës për dhënien e pasurisë".

Për këtë vepër penale sipas Kodit Penal, nenit 109/b, Elio Lazaj rrezikon minimalisht nga dy deri në tetë vite burg në situatën penale që ndodhet tashmë.

CNA ka raportuar se janë sekuestruar katër telefonat e Elio Lazajt, ku pritet të zbërthehen për të zbuluar komunikimet dhe skemën që shkon përtej Elio Lazajt.

Elio Lazaj kërcënonte, shantazhonte dhe shtrëngonte forcërisht me komunikime, por edhe me shkrimet e tij të vazhdueshme, një zyrtar të shtetit.

Elio Lazaj vazhdonte skemën e tij të sharjeve, kërcënimeve, shantazheve dhe fyerjeve nëpërmjet një portali dhe pas shumë hetimeve të kryera nga Prokuroria e Tiranës, policia e kapi në flagrancë dhe i vuri prangat.

Elio Lazaj u arrestua pasi prej muajsh sulmonte në portalin e tij dhe i vendoste gjobë një zyrtari të shtetit.

Prej dy vitesh, gazetari Elio Lazaj shantazhonte një zyrtar duke shpifur, shkruar e kërcënuar gjoja në lidhje me një "call center" dhe më pas akuza të tjera edhe me zyrtarë të opozitës.

Mësohet se Lazaj fillimisht ka kërkuar 40,000 euro dhe më pas një shumë tjetër më të vogël, rreth 10,000 euro, por në momentin kur zyrtari ka shkuar për t'i dhënë paratë, janë shfaqur uniformat blu, oficerët e Policisë Kriminale dhe Krimit Ekonomik, të cilët i kanë hedhur prangat gazetarit gjobaxhi.

Kujtojmë se në 16 shkurt u zhvillua seanca në Gjykatën e Tiranës ku ndaj gazetarit gjobaxhi u la në fuqi masa “arrest me burg”./ CNA





Lajmet e fundit nga