web counter
LEXO PA REKLAMA!

SHKARKO APP

Korrupsioni i të zgjedhurve vendorë/ SPAK: U shfrytëzuan fondet publike për përfitime personale, kalonin përmes OJF-ve

9 Mars 2026, 13:59, Aktualitet CNA

Korrupsioni i të zgjedhurve vendorë/ SPAK: U shfrytëzuan fondet

SPAK-u ka publikuar raportin për veprimtarinë e tij gjatë vitit 2025. SPAK-u thekson se gjatë hetimeve të vitit 2025, korrupsioni i funksionarëve vendorë u evidentua kryesisht përmes shkeljes së procedurave ligjore, mosrespektimit të vendimeve administrative dhe manipulimit të projekteve infrastrukturore pa verifikimin e dokumentacionit të nevojshëm, duke shkaktuar dëme për qytetarët dhe institucionet publike.

Një dimension tjetër i rëndësishëm ishte shfrytëzimi i fondeve publike për përfitime personale ose të lidhura me të afërmit e tyre, përmes shpërndarjes së parave te subjekte tregtare të kontrolluara prej tyre, si dhe fshehjes së origjinës së tyre përmes transaksioneve të sajuara, sponsorizimeve ose blerjeve fiktive.

Korrupsioni i të zgjedhurve vendorë u shfaq edhe në konflikte interesi, ku miratoheshin projekte për subjekte ku ata vetë ose të afërmit e tyre kishin interesa materiale, shpesh të fshehura për të shmangur transparencën dhe kontrollin ligjor.

Fondet dhe pasuritë e përfituara në mënyrë të paligjshme kalonin përmes OJF-ve, shoqërive me përgjegjësi të kufizuar, blerjeve online dhe investimeve të strukturuara, duke krijuar një rrjet të ndërlikuar për pastrimin e parave dhe konvertimin e përfitimeve në pasuri të paluajtshme./ CNA





Lajmet e fundit nga