web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat në mbledhjen e Grupit të PS/ Këlliçi: Çfarë ndryshoi vallë që ndryshoi qëndrimi?

9 Mars 2026, 17:39, Aktualitet CNA

Deklaratat në mbledhjen e Grupit të PS/ Këlliçi:

Deputeti i Partisë Demokratike, Belind Këlliçi ka reaguar lidhur deklaratat e kryeministrit Edi Rama në mbledhjen e sotme të Grupit Parlamentar të PS-së lidhur me imunitetin e Belinda Ballukut.

Këlliçi shprehet në postimin e tij në rrjetet sociale se Partia Socialiste po sillet me standarde të dyfishta.

Kjo sepse sipas tij, PS deklaroi në 2023 se Grupi Parlamentar i tyre do të votonte pro heqjes së imunitetit për çdo deputet, sa herë që kjo do të kërkohej nga drejtësia.

Postimi i plotë:

Çfarë ndryshoi vallë që ndryshoi qëndrimi? Asgjë!

Thjesht drejtësia erdhi te paradhoma e Edi Ramës!

? VIDEO: Standardet e Dyfishta të PS: Nga "Parimi", te Mbrojtja e Belinda Ballukut.

Në dhjetor të vitit 2023, Partia Socialiste deklaroi me bujë përpara publikut dhe partnerëve ndërkombëtarë një qëndrim prerë: Grupi Parlamentar do të votonte pro heqjes së imunitetit për çdo deputet, pa asnjë dallim kahu politik, sa herë që kjo do të kërkohej nga drejtësia. Kjo u shit si një epokë e re ku "askush nuk ishte mbi ligjin".

Megjithatë, data 9 mars 2026 ka shërbyer si momenti i së vërtetës që rrëzoi këtë narrativë.

Përballë akuzave të rënda të ngritura nga SPAK ndaj zv.kryeministres Belinda Balluku, mazhoranca nën drejtimin e ideatorit Edi Rama refuzoi heqjen e mandatit. /CNA





Lajmet e fundit nga