web counter
LEXO PA REKLAMA!

SHKARKO APP

App Store
Google Play

Raporti i SPAK-ut/ Në vitin 2025, 30 zyrtarë e ish-zyrtarë të proceduar penalisht

9 Mars 2026, 14:52, Aktualitet CNA

Raporti i SPAK-ut/ Në vitin 2025, 30 zyrtarë e ish-zyrtarë

Për periudhën 01.01.2020-31.12.2025 janë regjistruar gjithsej 81 persona zyrtarë dhe ish-zyrtarë të lartë në procedime penale, sipas raportit vjetor të SPAK-ut. 

Brenda këtij numri, 11 persona janë regjistruar secili në dy procedime penale të ndryshme, ndërsa 2 persona janë regjistruar secili në tri procedime të ndryshme, çka nënkupton se numri i regjistrimeve sipas procedimeve është më i lartë se numri i individëve realë për shkak të përsëritjes së disa personave në më shumë se një procedim.

Vetëm për vitin 2025 janë regjistruar 19 zyrtarë të lartë, nga të cilët 2 persona janë regjistruar secili në dy procedime të ndryshme, duke reflektuar të njëjtin dallim ndërmjet individëve dhe regjistrimeve statistikore, sipas SPAK-ut.

Gjatë periudhës 1.1.2025-31.12.2025, duke përfshirë procedimet e mbartura dhe ato të reja, janë hetuar 27 procedime penale, në të cilat janë përfshirë 30 zyrtarë dhe ish-zyrtarë të lartë. Këtu përfshihet:

1 zëvendëskryeministër, 1 ish-kryetar Kuvendi, 1 ish-ministër, 6 ish-deputetë, 6 kryetarë bashkie, 5 ish-kryetarë bashkie, 2 ish-gjyqtarë (njëri i regjistruar në dy procedime të ndryshme), 1 ish-prokuror, 1 kryetar i Komisionit të Prokurimit Publik, 1 kryetar i komanduar bashkie, 1 drejtor, 4 ish-drejtorë (tre prej tyre të regjistruar secili në dy procedime të ndryshme)./CNA

 





Lajmet e fundit nga