PS rrëzoi kërkesën e SPAK-ut për Ballukun/ Çuçi: Në argumentat e Prokurorisë kishte vetëm një element ndryshe

9 Mars 2026, 20:53, Aktualitet CNA

PS rrëzoi kërkesën e SPAK-ut për Ballukun/

Deputeti i Partisë Socialiste, Bledi Çuçi ka folur mbrëmjen e sotme lidhur me rrëzimin e kërkesës së SPAK nga PS-ja për imunitetin e Belinda Ballukut.

I ftuar në “Now me Erla Mëhillin”, Çuçi tha se tre arsyet e shtruara nga SPAK për Ballukun, ishin të ezaruara në vendimin e Gjykatës së Posaçme kur është dhënë masa për ndalimin e pasaportës dhe pezullimin nga funksioni.

Ndër të tjera shtoi se i vetmi elemënt i ri që kishte shkuar në parlament, ishte përgjimi i një të pandehure në dosjen “Balluku” me një tjetër person.

“Ne kemi thënë dhe publiku është njohur me qëndrimin tonë se ne nuk i morëm 16 mijë faqe ato që erdhën nga SPAK. Prokuroria ka sjellë një përmbledhje dhe roli jonë si parlamentarë nuk është të analizojmë çdo provë në raport me të gjitha aspektet e një hetimi të mirëfilltë. Në na mjaftonte përmbledhja që SPAK kishte sjellë. Në të gjithë përmbledhjen, i vemti elemetn që ndryshonte nga dosja hetimore e përgatitur nga SPAK-u, i cili ishte një procesverbal i zbardhjes së një përgjimi të dy grave që lidhen me çështjen.

Mendoj se ishte e panevojshme që ne të hynim ne një hetim të thellë të çështjes. Duhet të nisemi pse kërkohet masë sigurimi personal për këdo jo vetëm për deputeten. Dhe tre arsyet që kishte parashtruar SPAK ishin: rreziku i prishjes së provave, rreziku i largimit dhe rreziku i përsëritjes së veprës penale.

Po ti shohim me kujdes, në 90% të argumentave të SPAK ishin të ezauruara me vendim gjykate. Edhe rreziku i prishjes së provave, edhe rreziku i largimit nga vendi, edhe rreziku për të përsëritur krimin, të treja i kishte argumentuar gjykata kur ka dhënë masën për ndalimin e pasaportës dhe pezullimin nga funksioni. Është e qartë dhe me vendim gjykate që nuk ekzistojnë asnjë nga këto kushte për të marrë masë sigurie. E ka argumentuar mjaft qartë Gjykata e Posaçme. I vetmi element shtesë që kishte ardhur shtesë në parlament nga vendimi i gjykatës, ishte ai i përgjimit. Nuk ka asnjë veprim hetimor tjetër përveçse se një bisede të një personi që është në cilësinë e të pandehurës në çështje me një shoqen e vet. Parlamenti merr gjithmonë vendime politike, ne jemi politikë, prandaj marrim vendime politike”, u shpreh Çuçi. /CNA