web counter
LEXO PA REKLAMA!

SHKARKO APP

App Store
Google Play

“Reuters” shkrim për qendrën e emigrantëve/ “Shqipëria po përparon, pas marrëveshjes me Italinë”

4 Qershor 2024, 18:13, Aktualitet CNA

“Reuters” shkrim për qendrën e emigrantëve/

Kryeministrja italiane viziton të mërkurën vendin tonë, për të parë më nga afër ecurinë e punimeve me qendrën e emigrantëve. “Reuters” i ka kushtuar një artikull kësaj vizite, ndërsa theksohet se Shqipëria po ecën përpara pas marrëveshjes së kryer me shtetin fqinj.

Autoritetet në portin e Shëngjinit bënë të ditur gjatë fundjavës se qendra e përpunimit të të dhënave është gati. Punimet po ecin me ritme të shpejta në ish-zonën ushtarake të Gjadrit për ndërtimin e kampit ku do të qëndrojnë emigrantët e kapur në det.

“Reuters” ka marrë prononcime nga banorët e zonës të cilët thonë se i mirëpresin këto emigrantë, pasi edhe ata dikur ishin emigrantë në Greqi.

“Më vjen keq për ta. Megjithatë, shqiptarët nuk kanë para për t’u kujdesur për veten, e jo më për të tjerët”, thotë njëri prej banorëve.

Qendrat që do të menaxhohen nga Italia mund të mbajnë maksimumi 3000 emigrantë të huaj. Italia do të paguajë për ndërtimin e qendrave, shpenzimet në lidhje me sigurinë dhe kujdesin mjekësor, me një kosto të vlerësuar nga 650 deri në 750 milionë euro gjatë 5 viteve të para.

Vlen të thekoshet se vizita e kryeministres Meloni përkon me javën kulturore italiane në Shqipëri./ CNA





Lajmet e fundit nga