web counter
LEXO PA REKLAMA!

SHKARKO APP

App Store
Google Play

E fundit!

x

Djali i Remzi Hoxhës flet hapur: Tre emrat që më dalin përpara kur kërkoj eshtrat e babait

4 Qershor 2024, 16:05, Aktualitet CNA
Djali i Remzi Hoxhës flet hapur: Tre emrat që më dalin
Ardian Hoxha

Djali i Remzi Hoxhës, i rrëmbyer dhe i zhdukur 28 vjet më parë, në një intervistë televizive ka deklaruar se e vetmja gjë që kërkon është që të gjenden eshtrat për t’i bërë një varr babait.

Ardian Hoxha thekson se nga të gjitha kërkimet që kanë bërë këto tri dekada, emrat që i dalin përpara janë tri figura të rëndësishme të Shërbimit Informativ Shtetëror të kohës, Bashkim Gazidede, Arben Sefgjini dhe Ilir Kumbaro. 

"Ne si familje nuk kemi kërkuar as të bëhet madhështore figura e babait tim. Kemi kërkuar vetëm që të kemi eshtrat dhe t’i bëjmë një varr. Vitet e para kemi menduar që është gjallë, që po e mbajnë peng. Lloj-lloj tregimesh kemi pasur. Me kalimin e viteve kemi pasur edhe informacione, por që humbisnim gjurmët. Pastaj ti nuk do ta besosh që është i vdekur. Ne kemi dëgjuar që pas 4-5 ditësh nga rrëmbimi të ketë ndërruar jetë. Ishin 3 emra që na dilnin, Bashkim Gazidede, Arben Sefgjini, Ilir Kumbaro. Kishte shumë njerëz që thoshin 'ju lutem mos ma përmendni emrin se më ikën koka dhe kam familje'. Gjithmonë ne kemi kërkuar vetëm eshtrat. Kemi besuar që jemi edhe 1% afër për t’i gjetur eshtrat. Kam grupuar mbi 100 varre dhe kemi bërë ADN-në dhe asnjë nga ato nuk na ka dalë. Thuhet që janë të tretura në acid apo gëlqere, thuhet që janë të hedhura në det vetëm që na e bëjnë mjegullën sa më të madhe. Besoj që do t’i gjejmë eshtrat. Pa marrë parasysh nëse ishte hero i popullit apo spiun i madh, duam t’i bëjmë një varr", u shpreh Remzi Hoxha./CNA 

 

 





Lajmet e fundit nga