web counter
LEXO PA REKLAMA!

SHKARKO APP

App Store
Google Play

E fundit!

x

Reforma territoriale/ Berisha: Rama po vazhdon projektin e shpopullimit

20 Korrik 2026, 13:57, Aktualitet CNA

Kryedemokrati Sali Berisha, gjatë fjalës së tij në Kuvend, ka folur lidhur me reformën territoriale dhe atë zgjedhore. Berisha ka akuzuar kryeministrin Edi Rama se po vijon me projektin e tij për shpopullimin e vendit.

Sipas tij, PS ka parashikuar reduktimin me 25 bashki nga Konispoli në Krumë. Kjo, sipas tij, është praktikë e qartë e shpopullimit.

“Të nderuar deputetë, e vërteta është se pavarësisht se ky Parlament në mënyrë absolute nuk përfaqëson vullnetin e qytetarëve shqiptarë, BE në procesin e integrimit, në krye të radhës përcaktoi dy detyra më kryesore: reformën gjithëpërfshirëse zgjedhore dhe reformën gjithëpërfshirëse territoriale.Të bindur se me Edi Ramën ka vetëm antireformë, por në mbështetje të kërkesave të qytetarëve të shumtë nga mbarë territori i vendit, në mbështetje të përpjekjeve tona për një proces zgjedhor të lirë dhe të ndershëm, ne morëm pjesë në dy grupet e ngritura për këto reforma themelore.

Me një kusht të vetëm: për reformën zgjedhore të merret ekspertiza e ODIHR-it, për reformën territoriale të merret ekspertiza e Kongresit të Autoriteteve Lokale dhe Rajonale të Këshillit të Europës. E vërteta është se përfaqësuesit e opozitës në këto komisione kanë dhënë një kontribut shumë të çmuar. Por mbi të gjitha kanë qenë zëdhënës të interesave të qytetarëve. Qeveria e konfederatës helvetike, por edhe përfaqësuesi i BE-së në Tiranë, kanë treguar mbështetje të plotë dhe interes të madh për këto dy reforma.

Papritmas, Edi Rama tërhiqet 'de facto' nga reforma territoriale dhe mbyll procesin duke vazhduar projektin e tij të shpopullimit të plotë të mëtejshëm të Shqipërisë. Ka parashikuar reduktimin me 25 bashki nga Konispoli në Krumë në të gjithë territorin e vendit. Dhe kjo përbën një praktikë të qartë shpopullimi. Ndaj dhe unë jam këtu për t’iu drejtuar qytetarëve shqiptarë: ngrihuni në këmbë për të mbrojtur interesat jetike të komuniteteve tuaja. Një protestë qytetare, e pashembullt në 30 vite, mblidhet çdo natë në rrugët dhe sheshet e Tiranës, bashkojuni kësaj proteste për të mbrojtur interesat më jetike të komuniteteve tuaja”, tha Berisha. /CNA





Lajmet e fundit nga