web counter
LEXO PA REKLAMA!

SHKARKO APP

App Store
Google Play

E fundit!

x

“Rama po mbron Pëllumb Gjokën”/ PD: Refuzon të dorëzojë dosjen e investitorit strategjik

13 Gusht 2024, 12:32, Aktualitet CNA
“Rama po mbron Pëllumb Gjokën”/ PD: Refuzon të
Klevis Balliu

Partia Demokratike, në një deklaratë për mediat përmes Klevis Balliut, deklaron se kryeministri Edi Rama po mbron biznesmenin Pëllumb Gjoka.

Balliu është shprehur se Rama po refuzon t’i dorëzojë Byrosë Kombëtare të Hetimit dhe SPAK-ut dosjen e Pëllumb Gjokës si investitor strategjik që e ka firmosur si të tillë kryeministri.

Jo vetëm kaq, por për ta çuar mbrojtjen e trafikantit Gjoka deri në fund, Edi Rama refuzon t’i heqë edhe statusin e investitorit strategjik.

“Shefi i drejtësisë së re, Edi Rama, kërkon të mbrojë deri në fund partnerin e pushtetit të vet, urdhëruesin e vrasjeve, trafikantin Pëllumb Gjoka.

Sipas burimeve mediatike, Rama refuzon t’i dorëzojë Byrosë kombëtare të hetimit dhe SPAK-ut dosjen e Pëllumb Gjokës si investitor strategjik që e ka firmosur si të tillë Edi Rama.

Jo vetëm kaq, por për ta çuar mbrojtjen e trafikantit Gjoka deri në fund, Edi Rama refuzon t’i heqë edhe statusin e investitorit strategjik. Vetëm në një narko-shtet trafikantët mund të licencohen si një investitor strategjik, vetëm një narko-kryeministër mund të firmosë për një porositës vrasjesh, që ky të lincencohet si investitor strategjik.

E në fakt, në qoftë se nuk do të ishte për Prokurorin Belge, Pëllumb Gjoka do të njihej sot si hero i zhvillimit të turizmit shqiptar, pavarësisht se e fitoi këtë status falë aktivitetit të tij kriminal, me dokumente toke false dhe pa asnjë dëshmi për burimin e financimit prej 52 milionë eurosh, dhe Rama ishte ai që i dha nje pjesë të pyllit të Velipojës për të ndërtuar ‘Silver Sand’.

Në fakt, një drejtësi e vërtetë sot duhet të hetonte Ramën që ka shpallur investitorë strategjikë kriminelë të këtij kalibri, por në narko-shtet nuk ka drejtësi. Në narko-shtet drejtësia është një fjalë boshe që shërben për të mbrojtur krimet e kryepushtetarit. Pushteti i Ramës është pushteti i Gjokave. Me Ramën kriminelët hyjnë në parlament, me Ramën kriminelët u bënë deputetë, u bënë drejtorë, me Ramën kriminelët u bënë investitorë strategjikë dhe kështu u krijua narko-shteti.

Burimi i të gjitha aferave korruptive dhe mafioze ka një kokë, ka një emër dhe ai është Edi Rama, vetëm hetimi dhe arrestimi i narko-kryeministrit mund të godiste narko-shtetin që Shqiperia të shpëtojë nga kthetrat e krimit të organizuar.

Partia Demokratike u deklaron qytetarëve që ne nuk do të reshtim kurrë së përballuri me krimin e organizuar dhe ju garantojmë që njësoj si më parë do të çojmë pas hekurave çdo kriminel, çdo trafikant, çdo bandë. Lufta kundër krimit të organizuar për qeverinë e ardhshme të Partisë Demokratike është një prioritet jetik për zhvillimin e vendit”, tha Balliu./ CNA





Lajmet e fundit nga