web counter
LEXO PA REKLAMA!

SHKARKO APP

App Store
Google Play

E fundit!

x

A do t'i bëjë Rama kolonelë të NATO-s sportistët rusë të Shqipërisë?

13 Gusht 2024, 11:47, Aktualitet CNA
A do t'i bëjë Rama kolonelë të NATO-s sportistët
 Chermen Valiev dhe Islam Dudaev

Në Lojërat Olimpike "Paris 2024", sportistët rusë që përfaqësuan Shqipërinë, Chermen Valiev dhe Islam Dudaev, morën medalje bronzi në mundje. Kështu, ata ngritën flamurin shqiptar mes Parisit. 

Sportistët dhe trajnerët e tyre u pritën dje në aeroportin e Rinasit me një ceremoni zyrtare, ku nuk kishte si të mungonte kreu i Bashkisë së Tiranës, Erion Veliaj, i cili në asnjë moment nuk e kurseu propagandën dhe kërkonte të merrte medoemos meritat. E pranishme në ceremoni ishte edhe ambasadorja franceze në Tiranë, Catherine Suard. (lexo këtu)

Por jo vetëm kaq, nuk kanë qenë të pakta edhe reagimet nga kreu i qeverisë, Edi Rama, për arritjet e këtyre sportisëve, dhe të dyja medaljet i ka quajtur historike për vendin tonë.(lexo këtu)

Pas gjithë ceremonive, falënderimeve, mikpritjes së sportisëve të ish-Republikave Sovjetike, pyetjet që lindin janë: A do t'u japë Rama grada këtyre sportistëve? A do t'i bëjë kryeministri kolonelë të Forcave të Armatosura? 

Në prill të vitit 2023, shtatë sportistë elitarë shqiptarë u bënë pjesë e Forcave të Armatosura të Shqipërisë. Gradën "Kolonel" e mban aktualisht Luiza Gega (Kampione Europe në atletikë), Briken Calja (Kampion në peshëngritje), Majlinda Kelmendi (Kampione Olimpike xhudo), Erkand Qerimaj (Kampion Europe në peshëngritje), Alban Beqiri (Kampion Ballkani në boks), Distria Krasniqi (Kampione në xhudo), Nora Gjakova (Kampione në xhudo).

Nëse kreu i qeverisë do të ndjekë të njëjtin standard, i bie që të kemi dy gjeneralë të rinj rusë në ushtrinë e NATO-s. Pra, nëse Chermen Valiev dhe Islam Dudaev marrin gradën "Kolonel" të FA-së, do të jenë edhe pjesë e NATO-s. Interesante do të ishte!/CNA 





Lajmet e fundit nga