web counter
LEXO PA REKLAMA!

SHKARKO APP

App Store
Google Play

"Qesharak dhe gënjeshtar"/ Sejamini: Veliaj duhet të bëhet simbol dhe provë për SPAK-un

30 Prill 2024, 08:42, Aktualitet CNA
"Qesharak dhe gënjeshtar"/ Sejamini: Veliaj duhet të
Erion Veliaj dhe Neritan Sejamini

Në emisionin "Të Paekspozuarit", analisti Neritan Sejamini u shpreh se skema e përdorur në Bashkinë e Tiranës është skemë e vjedhjes së votave për të mbajtur pushtetin dhe për të grabitur. 

Ai u shpreh se kryebashkiaku Veliaj është një gënjeshtar dhe gjithmonë ka treguar mungesë dinjiteti dhe inteligjence. 

Sejamini theksoi se Veliaj duhet të bëhet simbol dhe prova për SPAK-un është testi për reformën në drejtësi, që duhet ta trajtojë atë si kryebashkiakët e tjerë apo si Arben Ahmetajn.

Analisti shtoi se Veliaj e ka kthyer veten në një qesharak. 

“Veliaj gënjen me gënjeshtra që s’e ha asnjë fëmijë. Ai tregon mungesë dinjiteti, mungesë integriteti, inteligjence. Ai ka bërë veten qesharak, institucionin. Nëse gënjen për këtë gjë, sa na ka gënjer për punët në bashki? Në sytë e mi nuk i duhet besuar asgjë që thotë. A e mbyll SPAK-u këtë çështje është çështje tjetër. Skema e përdorur në bashki është skemë e vjedhjes së votave. Është skemë për të mbajtur pushtetin, për të grabitur. Kjo skemë është në çdo institucion, në çdo ministri. Pushteti mbahet duke vjedhur votën. Kemi degradim të administratës publike. Kemi dhe ministritë, Ministrinë e Mjedisit me skandalin e inceneratorëve, bashkitë nga Kukësi, Lushnja dhe Tirana. Këta njerëz e varrosin shërbimin publik. Unë jam dakord që Veliaj duhet të bëhet simbol dhe provë për SPAK-un, është testi për reformën në drejtësi. Nëse nuk e trajton si kryebashkiakun e Lushnjës apo Ahmetajn që i hetoi të gjithë, nga gruaja, ish-gruaja, prindërit dhe fëmijët, reforma është e dështuar. Duhet t’i bëjmë presion pozitiv SPAK-ut. Edhe po ta fusësh Veliajn sot në burg, nuk zgjidhen hallet e Shqipërisë”, u shpreh Sejamini./CNA 





Lajmet e fundit nga