web counter
LEXO PA REKLAMA!

SHKARKO APP

App Store
Google Play

Rigels Seliman: SPAK-u dhe mbështetja e SHBA-së janë xhevahirë

30 Prill 2024, 08:02, Aktualitet CNA
Rigels Seliman: SPAK-u dhe mbështetja e SHBA-së janë
Gazetari Rigels Seliman

Gazetari Rigels Seliman ka reaguar ashpër ndaj personave që sulmojnë Prokurorinë e Posaçme (SPAK) dhe Shtetet e Bashkuara të Amerikës.

Përmes një statusi në rrjetet sociale, gazetari Seliman thekson se SPAK-u dhe mbështetja e SHBA-së janë xhevahirë.

Ai thekson se puna e SPAK-ut ka pasur duartrokitje, nga hapja e dosjeve të rëndësishme deri tek arrestimi i zyrtarëve.

“SPAK është një strukturë që duhet ruajtur si xhevahir në Shqipëri. Që nga krijimi i Prokurorisë së Posaçme (SPAK) – me qëllimin kryesor për luftimin e korrupsionit në nivele të larta dhe krimin e organizuar në vend – Shtetet e Bashkuara të Amerikës kanë qenë mbështetëse të strukturës. Marrja e “bekimit” të amerikanëve krijoi besimin duke filluar nga opozita e deri te populli – që shpesh kanë shprehur rezerva për funksionimin e drejtësisë (si të kapur nga pushteti). Nga hapja e dosjeve të rëndësishme deri te arrestimi i zyrtarëve, puna e SPAK ka pasur duartrokitje. Megjithatë edhe akuzat nuk kanë munguar. Kritikët, e konsiderojnë si vegël të kryeministrit Edi Rama. Ose siç ish-kryeministri Sali Berisha dhe presidenti Ilir Meta i quajnë “prokurorë politikë” të tij. Madje dhe vetë Rama që e ka gjysmën e qeverisë qendrore dhe vendore në burg apo të zgjedhurit e emëruarit kandidat për SPAK, ka sulmuar jo pak herë këtë të fundit”, shkruan ndër të tjera gazetari./ CNA





Lajmet e fundit nga