web counter
LEXO PA REKLAMA!

SHKARKO APP

App Store
Google Play

E fundit!

x

Pse gazifikimi është historik për Korçën

12 Nëntor 2024, 18:25, Aktualitet CNA
Pse gazifikimi është historik për Korçën
Korça

Këtë të martë u nënshkrua memorandumi për gazifikimin e Korçës mes Ministrisë së Infrastrukturës dhe Energjisë, Albgazit dhe kompanisë shtetërore të naftës në Azerbajxhan, SOCAR.

Ky memorandum i hap rrugë nisjes së projektit të parë pilot për gazifikimin e Korçës, i cili është historik për qytetin juglindor.

Janë disa arsye pse gazifikimi është historik për Korçën.

Së pari do të ofrohet gaz me çmim të ulët për të gjithë qytetarët, të cilët sot ngrohen me dru dhe çmimi i druve shkon 60-70 mijë lekë të vjetra për metër kub.

Së dyti, shpenzohen miliona euro për ngrohjen e shkollave, kopshteve dhe çerdheve.

Gjithashtu, miliona euro paguhen për ngrohjen e institucioneve publike, spitaleve, qendrave shëndetësore, bashkive, prefekturave, etj. Me gazifikimin do të ulen shpenzimet nga buxheti i shtetit.

Së treti dhe më kryesorja është se do të ketë gaz për ngrohje për qytetarët dhe gazi është shumë herë më i lirë se çdo instrument tjetër që përdoret për ngrohjen.

Pse gazifikimi është historik për Korçën
Korça

Së katërti, edhe bizneset përfitojnë nga ky projekt. Ata biznese të cilat mbështeten nga industria e gazit do të kenë përfitime ekonomike më të mëdha me gaz më të lirë.

Prandaj kjo e sotmja është një ngjarje historike që mbështetet nga Azerbajxhani, ata që janë investitorët kryesorë të TAP-it.

Një premtim i bërë në fakt kohë më parë, që dukej i pabesueshëm, sot është realitet dhe një ngjarje e rëndësishme për qytetin e Korçës.

Ky është projekti i parë pilot, i cili duhet të pasohet në qytete të tjera, pasi do të sillte jo vetëm përfitime ekonomike, por edhe do të shërbente për shërbimin e këtyre qyteteve./ CNA





Lajmet e fundit nga