web counter
LEXO PA REKLAMA!

SHKARKO APP

App Store
Google Play

E fundit!

x

Një sërë projektesh me Emiratet e Bashkuara/ Rama jep lajmin e rëndësishëm

12 Nëntor 2024, 11:21, Aktualitet CNA

Një sërë projektesh me Emiratet e Bashkuara/ Rama jep lajmin e

Kryeministri Edi Rama ka zhvilluar një takim me Presidentin e Emirateve të Bashkuara, Sheikh Muhammed Bin Zayed, në Baku, Azerbajxhan.

Rama ka zbuluar se ka biseduar me Presidentin për ecurinë e projekteve të rëndësishme që po hyjnë në fazën e zbatimit duke nisur nga krijimi i kompanive të përbashkëta publike të prodhimit të energjisë (KESH-Mazdar) dhe shtypshkrimit të letrave me vlerë, linja e interkonjeksionit me Italinë në partneritet trepalësh, e deri te sistemi i ri digjital i kontrollit të trafikut.

Numri një i qeverisë nënvizon se po ashtu kanë diskutuar edhe për zhvillime të tjera tejet të rëndësishme si për forcimin dhe modernizimin e sektorit publik në Shqipëri.

“Mbrëmë me Presidentin e Emirateve të Bashkuara, Sheikh Muhammed Bin Zayed, një mik i rrallë dhe dashamirës i madh i Shqipërisë, me të cilin folëm për ecurinë e mirë të disa projekteve të rëndësishme që po hyjnë në fazën e zbatimit, nga krijimi i kompanive të përbashkëta publike të prodhimit të energjisë (KESH-Mazdar) dhe shtypshkrimit të letrave me vlerë, linja e interkonjeksionit me Italinë në partneritet tripalësh, e deri tek sistemi i ri digjital i kontrollit të trafikut; zhvillime tejet të rëndësishme për forcimin dhe modernizimin e sektorit publik në Shqipëri, po edhe një pasqyrë kuptimplotë e forcimit domethënës të marrëdhënieve me Emiratet e Bashkuara”, shkruan Kryeministri Edi Rama./ CNA





Lajmet e fundit nga