web counter
LEXO PA REKLAMA!

SHKARKO APP

App Store
Google Play

E fundit!

x

Udhëtimet me Beqajn nxisin debat/ Rrapaj: Ministria na vuri në dispozicion makinën

11 Nëntor 2024, 17:03, Aktualitet CNA
Udhëtimet me Beqajn nxisin debat/ Rrapaj: Ministria na vuri në
Biznesmeni Ilir Rrapaj 

Biznesmeni Ilir Rrapaj është pyetur në Komisionin Hetimor për Koncesionin e Sterilizimit në lidhje me udhëtimet e përbashkëta me ish-ministrin Ilir Beqaj, të cilat përmenden në dosjen e SPAK-ut.

Kjo pyetje ka nxitur debat mes kryetares së komisionit, Albana Vokshi, avokatit të Rrapajt dhe socialistit Plarent Ndreca.

Avokati dhe Ndreca kundërshtuan pyetjen e Vokshit, ndërsa kjo e fundit kërkoi me ngulm një përgjigje.

Rrapaj deklaroi se udhëtimet kanë qenë zyrtare dhe ministria e Beqajt i vuri makinën në dispozicion.

Pjesë nga debati:

Vokshi: Udhëtimet të përbashkëta me shtetasin Klodjan Rjepaj dhe Ilir Beqaj dhe me shtetas të tjerë italianë? Kush ka qenë marrëdhënia sepse më parë thatë nuk e njihni

Rrapaj: Po e nis nga e fundit.

Vokshi: Jo nise nga e para.

Rrapaj: Po ju e bëtë maratonë.

Vokshi: Se si e bëj unë pyetjen e di unë.

Avokati: Pyetjet të mos jenë sugjestionuese. Përndryshe e këshilloj klientin të mos përgjigjet.

Vokshi: Rezulton se janë në të njëjtat udhëtime së bashku.

Avokati: A kanë qenë apo jo. Dhe nëse po në cilat pika kanë hyrë dhe dalë. Kjo nuk është pyetje sugjestionuese.

Vokshi: Rezultojnë se kanë qenë bashkë në të njëjtën vend. Pse keni qenë bashkë? A keni qenë në disa udhëtime së bashku?

Ndreca: Edhe pyetjet edhe ligji për komisionin që pyetjet sugjestionuese. Mënyra si bëhet pyetja është orientuese, nëse i besojmë burimeve pubkike nuk kemi nevojë për dëshmitarin. Pyetja është a është kjo që ka dalë publike.

Vokshi: Po kjo ishte pyetja.

Ndreca: Jo nuk ishte kjo pyetja.

Vokshi: Keni udhëtuar disa herë bashkë, madje edhe makinën shtetërore të zv.ministrit, udhëtime jashtë vendit. Pse thatë që nuk i njihni?

Rrjepaj: Ishin zyrtare. Universiteti i Peruxhias kërkoi takim me Universitetin e Kosovës.

Nuk rezulton të jem i vetëm. Kam qenë në funksion të udhëtimeve zyrtare Rajoni i Umbrias është pjesë e këtij akordi kuadër, por edhe Universiteti i Peruxhas. Udhëtimi në Kosovës ka qenë i programuar për tu takuar me rektorin e universitetin e Prishtinës. Po i referohem makinës së zv.ministrit.

Ministria e Shëndetësisë u tregua xhentile dhe na dha makinën për të shkuar në Kosovë. Pasi mbaruam punë në Tiranë, profesori italian iku në Prishtinë, Mendoni se ishim keq për një taksi apo një makinë private? Ishte një akt xhentilese nga ministria që i vuri në dispozicion profesorit një makinë. Në Prishtinë u bë një takim zyrtar.

Vokshi: Nuk ka foto, nuk ka një rekord të këtij takimi?

Rrapaj: Duhet të ketë.

Vokshi: Paratë e buxhetit, benzina e ministrisë u vu në dispozicion të disa italianëve për të shkuar në Kosovë./ CNA





Lajmet e fundit nga