web counter
LEXO PA REKLAMA!

SHKARKO APP

App Store
Google Play

E fundit!

x

Një bandë hajdutësh në piramidën e KPP-së

12 Nëntor 2024, 12:33, Aktualitet CNA
Një bandë hajdutësh në piramidën e KPP-së
Foto ilustruese

Komisioni i Prokurimit Publik (KPP) është institucioni që shqyrton ankesat për procedurat e prokurimit publik, koncesioneve/partneritetit publik privat dhe ankandeve publike.

Ky komision ka statusin e një institucioni të pavarur, i cili financohet nga buxheti i shtetit, por ajo që ndodh është se KPP është kthyer në një çetë hajdutërie ku vlon korrupsioni.

Komisioni i Prokurimit Publik po bën një sy qorr dhe një vesh shurdh duke kthyer përmbys vendime finale për subjekte të ndryshme në këmbim të përqindjeve.

Mënyra se si vepron KPP është kjo.

Subjekte të ndryshme ankohen se duhet të paguajnë një përqindje 5-10% edhe nëse janë të rregullt dhe kanë të gjithë dokumentacionin konform me ligjin. 

E njëjta gjë ndodh edhe me fitues të parregullt që janë problematikë. Këto subjekte duhet të paguajnë një përqindje rreth 10-15%.

Subjekte të ndryshme ankohen se KPP iu ngushton lakun për të paguar përqindjet ose përmes vendimeve finale përmbys gjithçka duke mos u dhënë tender ofertuesve.

Në këtë mënyrë, ky institucion që financohet me buxhetin e shtetit, certifikon hajdutërinë përmes përqindjeve nga subjektet e ndryshme.

Fakti që ka ankesa nga subjektet, që flasin me shifra, shuma, tarifa dhe gjoba flet shumë. Tregon vetëm një fakt që kemi të bëjmë me bandë hajdutësh në Piramidën e PP-ve.

KPP është një bandë hajdutësh që SPAK nuk mund ta anashkalojë./ CNA





Lajmet e fundit nga