web counter
LEXO PA REKLAMA!

SHKARKO APP

App Store
Google Play

E fundit!

x

“Situata e Beqajt, delikate”/ Vokshi, debat me Koçin: Ka vjedhur në 4 raste

12 Nëntor 2024, 17:20, Aktualitet CNA
“Situata e Beqajt, delikate”/ Vokshi, debat me Koçin: Ka
Deputeti i PS-së, Petro Koçi

Kërkesa e Ilir Beqajt për të bërë një prezantim me “PowerPoint” në Komisionin Hetimor për Shëndetësinë vijon të jetë temë debati mes anëtarëve.

Kryetarja e Komisionit Hetimor, Albana Vokshi këmbëngul se ky prezantim nuk do të bëhet, ndërsa anëtarët e PS-së kërkojnë që Beqaj të lejohet.

Gjatë debatit, deputeti i PS-së, Petro Koçi shprehet se situata e Beqajt duhet të merret parasysh, pasi është delikate.

Megjithatë, Vokshi kujton akuzat për vjedhje në 4 raste dhe për abuzim me fondet e BE-së.

Pjesë nga debati:

Koçi: Nuk thuhet në asnjë nen që kryetari i Komisionit Hetimor ka gjithmonë të drejtë, s'është më i rëndësishëm se anëtarët. Situata e Beqajt është më delikate dhe ai është më i interesuar. Kërkoi prezantim me video dhe s'mund t'ia hedhim në erë

Vokshi: Duhet të na vijë gjynah se ka vjedhur në katër raste? Përveç PPP-ve është kapur duke vjedhur edhe fondet e BE-së

Koçi: Ne jemi në favor të ligjit. Kushdo që ka bërë gjëra antiligjore, le të dënohet. Ne nuk jemi gjykatë. Parti policore jeni ju. Në krye të partisë keni një kryepolic. Nuk kemi sjellë asnjë njeri ne në pranga. Zotëria ka ardhur me pranga, për shkak të situatës ku ndodhet. Ti mund të kesh dëshirë të vijnë dhe deputetët e PS këtu me pranga, por kjo nuk është me dëshirë. Ligji nuk e ndalon që deklarata të jetë e shoqëruar me foto, video. Mos e prishni për çështje teknike.

Vokshi: Nuk lejohen prezantimet me PowerPoint./ CNA





Lajmet e fundit nga