web counter
LEXO PA REKLAMA!

SHKARKO APP

App Store
Google Play

E fundit!

x

Gazifikimi i Korçës/ Balluku: Do të përfundojë në vitin 2027

12 Nëntor 2024, 17:47, Aktualitet CNA

Gazifikimi i Korçës/ Balluku: Do të përfundojë

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, foli nga Azerbajxhani për gazifikimin e Korçës.

Balluku tha se projekti do të nisë në Korçë në vitin 2025 dhe do të përfundojë në vitin 2027.

Më pas, ajo bëri të ditur se gazifikimi do të shtrihet edhe në Pogradec dhe Ersekë, për të vazhduar në të gjithë Shqipërinë.

Zv.kryeministrja nënvizoi në të gjithë Shqipërinë procesi i gazifikimit planifikohet të ketë përfunduar në vitin 2030.

“Parashikohet që ky projekt të nisë gjatë vitit 2025 për t’u dorëzuar në vitin 2027. Ajo çka ne synojmë është që të mbulojmë një rrjet të tërë shpërndarje gjatë gjithë qytetit të Korçës, por edhe në bizneset, të cilat operojnë në këtë qytet.

Duhet pasur parasysh se sa më shumë të shtrihet gazifikimi i Shqipërisë, bazuar në planin strategjik për gazifikimin e vendit, aq më shumë do të ulen kostot përsa i përket këtij produkti që do t’i jepet qytetarëve.

Në fillim shteti do të nisë sigurisht duke e mbështetur këtë procedurë të re, këtë produkt të ri dhe shërbim të ri, por më pas duke e zgjeruar këtë edhe në zonën e Pogradecit, edhe në zonën e Ersekës dhe duke pasur parasysh që ne synojmë që industria të ketë alternativën e zgjedhjes së energjisë, pra jo vetëm përdorimin e energjisë elektrike, por edhe të gazit, ne parashikojmë që ky gazifikim i vendit të vazhdojë deri në vitin 2030, duke mbuluar pjesën më të madhe të qyteteve, të cilat kanë edhe pjesë industriale apo biznese të cilat mbështeten nga industria e gazit”, theksoi zv.kryeministrja./ CNA





Lajmet e fundit nga