web counter
LEXO PA REKLAMA!

SHKARKO APP

App Store
Google Play

Prokuroria ndaloi mediat të publikojnë e-mailet e Nanos/ Afrim Krasniqi: Vendim i duhur dhe i vonuar

19 Shtator 2022, 20:07, Aktualitet CNA
Prokuroria ndaloi mediat të publikojnë e-mailet e Nanos/ Afrim
Drejtori i Institutit për Studime Politike, Afrim Krasniqi

Drejtori i Institutit për Studime Politike, Afrim Krasniqi, ka reaguar pas vendimit të Prokurorisë për të ndaluar mediat të publikojnë materialet e e-maileve të ish-drejtorit të policisë së shtetit, Gledis Nano, të nxjerra sot nga hakerat.

Me anë të një statusi në rrjetet sociale, Krasniqi thotë se vendimi i Prokurorisë është i duhur dhe i vonuar, pasi thekson se ka informacione që cenojnë jetën e zyrtarëve dhe organeve të ligjit.

Ai nënvizon se është koha për hetim serioz për sulmin ndaj vendit, skandalin mbi sigurinë dhe çdo forme databaze të hakëruar.

“Vendimi i Prokurorisë për ndalimin e publikimeve të të dhënave sensitive të dala nga sulmi kibernetik, është i duhur & i vonuar. Ka informacione që cenojnë jetën e zyrtarëve & organeve të ligjit. Nuk ka lidhje me censurën dhe informimin, por me sigurinë dhe interesin shtetëror në një vend në NATO. Koha për hetim serioz për sulmin ndaj vendit, skandalin mbi sigurinë dhe çdo forme të database të hakëruar. Gjithashtu, koha për hetim serioz nga Prokuroria për t'i dhënë fund edhe sistemit të abuzimit me liritë politike e kushtetuese (sistemin e patronazhistëve), një krim tjetër kibernetik nga brenda vendit”, shkruan drejtuesi i ISP-së./ B.A. – CNA.al





Lajmet e fundit nga