web counter
LEXO PA REKLAMA!

SHKARKO APP

App Store
Google Play

E fundit!

x

500 mijë dollarë rusë për Bashën/ Imeraj: Nëse do të isha prokurore, do ta rihapja dosjen

19 Shtator 2022, 19:37, Aktualitet CNA
500 mijë dollarë rusë për Bashën/ Imeraj: Nëse do
Ish-kryeprokurorja e Tiranës, Elizabeta Imeraj

Ish-kryeprokurorja e Tiranës, Elizabeta Imeraj, ka folur sërish në lidhje me raportimet e "BBC"-së, "AFP"-së dhe "Zërit të Amerikës" se ish-kryetari i Partisë Demokratike, Lulzim Basha, ishte paguar nga rusët e Vladimir Putinit me 500 mijë dollarë.

Imeraj tha se nëse sot do të ishte ende prokurore e Tiranës, do të kishte rihapur hetimet për dosjen e lobimit rus të Bashës.

Ajo theksoi në emisionin “Kontrast” se do të kishte marrë dëshmitar edhe Nick Muzin.

“Do ishte e rëndësishme që subjekti të ishte i interesuar që të zbardhej situata deri në fund. Nëse unë do isha prokurore do ta rifilloja. Ne hetojmë, rasti është flagrant, çdo lobim bëhet mbi bazën e një kontratave, nga PD ka deklaruar që është bërë një lobim dhe ka këtë kontratën, janë 3 pagesa të bëra, që konkretisht në total kanë 75 mijë dollarë, ndërkohë që nga aktet që na ka dhënë është dhe një akt tjetër 500 mijë dollarë dhe kjo është bërë një kontratë e rregullt me zotin Basha dhe Muzin, dhe hetimi ka pasur linjën e tij, për shkak të firmave që ka vënë dhe përgjegjshmërinë që ai ka për shkak të firmës që ka bërë, ajo çfarë unë si jurist dhe profesionist është që duhet hetuar deri në fund. Se pas 3 vitesh mund të dalë një e re dhe do kërkohej të hetohej prap.

Prokuroria mund të nisë edhe hetime kryesisht mbi bazën e hetimeve mbi media për një element, është e rëndë që në 2022, mund të gjenden hapësira për grupime të caktuara brenda dhe jashtë shtetit të bëhen faktor brenda një subjekti politik. Këto grupime kur kanë kaq mbështetje dhe kaq hapësirë, mendoni se ca mund të bëjnë kundër një prokuroi, gjyqtari dhe gazetari. Unë do i ofroja të gjithë mekanizat proceduralë në drejtim të marrjes së një dëshmie të vlefshme, ne e kemi bërë statusin e bashkëpunimit të drejtësisë edhe nëse ka kryer vepër penale, por gjithmonë nëse kjo deklaratë zbardh një vepër penale më të madhe. Në rang të një përgjigje që dëshmitari do thoshte që burimi i të ardhurave është nga kjo firmë dhe kontaktet janë vendosur në këtë mënyrë, atëherë kjo do zgjidhje pazëllin, do dilte që PD ka gënjyer”, theksoi ish-prokurorja.

Gjithashtu ajo nënvizoi se deklarimet e Bashës në KQZ janë cilësuar si falsifikim.

“Ne e kishim të detyrueshme që të merrnin dëshminë e dëshmitarit. Detyrimi i PD për të bërë të saktë deklarimet është në KQZ dhe deklarara zyrtare janë dalë të gënjeshtërta dhe nga ana jonë janë quajtur falsifikim, nuk dimë si janë bërë transfertat bankare", tha Imeraj./ B.A. – CNA.al





Lajmet e fundit nga