E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Problemi me pronat/ Kryepiskopi Joan: Gabim strategjik i shtetit shqiptar

22 Tetor 2025, 23:42, Aktualitet CNA

Kryepiskopi Joan në emisionin Opinion me Blendi Fevziun ka folur për një nga plagët e shoqërisë që është problemi me pronat.

Fortlumturia e tij u shpreh se pronat janë një gabim strategjik i shtetit shqiptar.

Pjesë nga rrëfimi i Kryepiskopit Joan

Blendi Fevziu: Pra ju keni një harmoni mes jush. Ka dy çështje që mbeten problematike në komunitetin ortodoks. E para, problemi i pronave. Çfarë po ndodh me pronat?

Kryepiskopi Joan : Ky është një problem jo vetëm për...

Blendi Fevziu: I gjithë komuniteteve fetare, patjetër.

Kryepiskopi Joan : Edhe i gjithë shqiptarëve në fakt. Jo, më saktë, kjo ka qenë një gabim strategjik i shtetit shqiptar që nga fillimi. Nëse do i kishin kthyer pronat komuniteteve fetare, do ishin më të pavarura. Se çfarë është autoqefalia që flitet?

Blendi Fevziu: Pavarësia...

Kryepiskopi Joan : Pavarësia ekonomike. Ose kush janë kushtet që i jepet një autoqefalie? Po. Së pari, duhet të kesh pavarësinë financiare, që do e mbash kishën. Dhe e dyta, duhet të kesh ë shkollimin, gjithë infrastrukturën e arsimit për të krijuar klerikët, episkopët e të gjithë këta.

Blendi Fevziu: Që mos t'i marrësh nga një shtet tjetër.

Kryepiskopi Joan : Se do jesh, do jesh i pavarur. Tani si mund të jesh i pavarur kur ti nuk ke asnjë nga këto? Dhe gjatë këtyre viteve u realizuan dy gjëra shumë të rëndësishme, që ndoshta njerëzit nuk i vënë re.

Blendi Fevziu: Që janë?

Kryepiskopi Joan : Që janë, e para, ndërtimi i një infrastrukture arsimore. Po. Që e hapëm që në fillim. Për t'i studiuar të gjithë kandidatët tanë në këtë vend. Duke pasur ndërmend që nëse shkruan...

Blendi Fevziu: Deri në nivelin përfundimtar?

Kryepiskopi Joan : Deri në universitetin. Po. Për studime pasuniversitare, mund t'i dërgosh dhe në vende të tjera, se dhe ata janë më të pjekur, janë...

Blendi Fevziu: Kanë dhe traditë më të hershme.

Kryepiskopi Joan : Prandaj dhe kjo për shembull që çështja e pronave nuk është vetëm çështje juridike, që është çështje juridike dhe e drejtësisë. Po do ishte dhe një çështje e sigurisë kombëtare. Se në qoftë se nuk janë të pavarur, do varen diku. Dhe shteti duhet të kishte ndihmuar pak në këtë, sepse ishte dhe shteti që i shkatërroi komunitetet fetare. Shteti shqiptar i shkatërroi.

Blendi Fevziu: Po, pavarësisht se ishte shteti komunist, po...

Kryepiskopi Joan : Po shteti... ç'rëndësi ka? Shteti ishte.

Blendi Fevziu: Shteti ishte.

Kryepiskopi Joan : Dhe duhet t'i kishte ndihmuar. Dhe ndihma më e madhe do ishte t'i kishin kthyer pronat. Ishte shumë e lehtë në fillim. Ishin marrë me një dekret, po, dhe ktheheshin po me të njëjtin dekret. Me një dekret dhe mbaronte zgjidhja. Por nuk u zgjidh kjo. U zgjidh kjo tjetra që ka kaluar nëpër...

Blendi Fevziu: Nëpër gjithë këtë kaos, jo vetëm për besimet fetare, por për të gjithë shqiptarët dhe është një nga plagët që në fakt po dëmton shoqërinë shqiptare.

Kryepiskopi Joan : Po shkatërrimi i kadastrës së një vendi është shkatërrimi i një vendi. Prandaj dhe e quaj këtë unë që kjo do ishte diçka strategjike për vendin tonë. Rregullimi i pronës që në fillim. Dhe është çështje dhe e sigurisë kombëtare.

Blendi Fevziu: Sigurisë, sepse në qoftë se nuk rregullon dot pronën, një klasë politike që erdhi, e cila ishte rritur në mungesë të pronës dhe pa e ditur çfarë është prona.

Kryepiskopi Joan : Dhe prandaj po vuajnë pasojat./ CNA