web counter
LEXO PA REKLAMA!

SHKARKO APP

App Store
Google Play

E fundit!

x

Prej 1 viti në burgun e Venezuelës/ Ministria: Shqiptari, i lirë dhe në gjendje të sigurt

16 Janar 2026, 18:40, Aktualitet CNA

Prej 1 viti në burgun e Venezuelës/ Ministria: Shqiptari, i lirë

Ministria për Evropën dhe Punët e Jashtme ka njoftuar se shtetasi shqiptar Jozef Ndoci, i cili mbahej i burgosur në Venezuelë për mbi një vit (tetor 2024 – janar 2026), është liruar dhe ndodhet tashmë në gjendje të sigurt.

Shqiptari mbahej në burgun e sigurisë së lartë El Rodeo, në shtetin Miranda, dhe lirimi i tij u realizua pas një procesi të zhvilluar gjatë ditëve të fundit, si pjesë e lirimit të disa të burgosurve të huaj.

Aktualisht Ndoci ndodhet nën kujdesin e Komitetit Ndërkombëtar të Kryqit të Kuq në Karakas.

Njoftimi i Ministrisë së Jashtme:

Ministria për Evropën dhe Punët e Jashtme informon opinionin publik se shtetasi shqiptar z. Jozef Ndoci, i cili mbahej i burgosur në Venezuelë për më shumë se një vit (tetor 2024 – janar 2026), është liruar dhe ndodhet tashmë në gjendje të sigurt.

Z. Ndoci mbahej në burgun e sigurisë së lartë El Rodeo, në shtetin Miranda dhe lirimi i tij u realizua pas një procesi të zhvilluar gjatë ditëve të fundit, në kuadër të lirimit të një numri të të burgosurve të huaj në Venezuelë. Pas transferimit të përkohshëm në ambientet e DGCIM, ai u lirua dhe aktualisht ndodhet nën kujdesin e Komitetit Ndërkombëtar të Kryqit të Kuq (ICRC) në Karakas.

Ministria për Evropën dhe Punët e Jashtme, përmes Ambasadës së Republikës së Shqipërisë në Brazil, ka ndjekur çështjen në mënyrë të vazhdueshme dhe në disa rrafshe, në bashkëpunim me partnerë ndërkombëtarë dhe përfaqësi diplomatike mike, duke patur në fokus mbrojtjen e të drejtave dhe interesave të shtetasit shqiptar.

Autoritetet shqiptare kanë qenë në kontakt të vazhdueshëm me familjarët e z. Ndoci dhe do të vijojnë të ofrojnë mbështetjen e nevojshme deri në kthimin e tij të sigurt në Shqipëri.

Ministria për Evropën dhe Punët e Jashtme shpreh mirënjohjen për kontributin e Komitetit Ndërkombëtar të Kryqit të Kuq dhe për bashkëpunimin e përfaqësive diplomatike partnere në Karakas.

MEPJ rikonfirmon angazhimin e saj për mbrojtjen e shtetasve shqiptarë kudo që ata ndodhen./CNA 

 





Lajmet e fundit nga