web counter
LEXO PA REKLAMA!

SHKARKO APP

App Store
Google Play

E fundit!

x

SHBA, sërish mbështetje të hapur për SPAK-un

16 Janar 2026, 13:03, Aktualitet CNA

SHBA, sërish mbështetje të hapur për SPAK-un

Shtetet e Bashkuara të Amerikës kanë shprehur sërish mbështetjen për Strukturën e Posaçme Kundër Korrupsionit dhe Krimit të Organizuar.

Ambasada e SHBA-së në Tiranë thekson se do të vijohet me forcimin e institucioneve që luftojnë krimin e organizuar dhe trafikun e narkotikëve si SPAK, BKH dhe Akademia e Sigurisë.

Ambasada citon edhe mesazhin e Sekretarit Amerikan të Shtetit, Marco Rubio, ku thotë se organizatat ndërkombëtare kriminale, veçanërisht ato të trafikut të drogës, janë kërcënimi më i madh për sigurinë e SHBA-së dhe destabilizojnë kombet.

Reagimi i ambasadës së SHBA-së në Tiranë:

"Dhe siç tha Sekretari Rubio, organizatat ndërkombëtare kriminale dhe terroriste, veçanërisht ato të angazhuara në trafikimin e narkotikëve, janë kërcënimi më i madh për sigurinë e Shteteve të Bashkuara në Hemisferën Perëndimore, ku këto grupe po destabilizojnë shtet-kombet dhe po i çojnë në emigrim masiv. Ne do të ndjekim me këmbëngulje prioritetet e Presidentit Trump në Shqipëri, duke forcuar institucionet që luftojnë krimin e organizuar dhe trafikun e narkotikëve si SPAK, BKH dhe Akademia e Sigurisë." - është shprehur E Ngarkuara me Punë, Nancy VanHorn, në ceremoninë e mbylljes së trajnimit të udhëhequr nga FBI për hetuesit e SPAK dhe BKH në Akademinë e Sigurisë. 

SHBA dhe Bashkimi Europian kanë theksuar vazhdimisht mbështetjen për Prokurorinë e Posaçme në deklaratat e tyre dhe kanë vlerësuar arritjet dhe punën e prokurorëve të posaçëm. /CNA





Lajmet e fundit nga