E fundit!

18:34 Aktualitet

"The Albanian Files"/ Zhupa: Libri i premtimeve të Ramës për ndërtuesit e vet, ka brenda 523 vepra penale

Deputetja e PD-së, Ina Zhupa, ka folur ditën e sotme lidhu...

Përfitoi miliona euro përmes kompanive fiktive/ Zbardhet skema e mashtrimit dhe pasuritë që iu sekuestruan spanjollit

16 Janar 2026, 11:39, Aktualitet CNA

Përfitoi miliona euro përmes kompanive fiktive/ Zbardhet skema e

Policia e Tiranës ka vendosur sekuestro mbi pasuritë e shtetasit spanjoll, A.C., i cili bashkë me të atin dhe bashkëshorten e tij përmes mashtrimit kompjuterik dhe kompanive fiktive, përfitoi rreth 30 milionë euro.

Pasuritë e sekuestruara përfshijnë 2 sipërfaqe toke në Dhërmi, 3 shoqëri tregtare, 1 automjet tip “Mercedes Benz AMG”, 1 automjet tip “Toyota Land Cruiser” dhe 3 llogari bankare.

Policia ka zbardhur edhe detaje lidhur me skemën e mashtrimit nga shtetasit spanjoll. Ata kishin themeluar kompani fiktive në Shqipëri, Spanjë, Portugali, Shtete të Bashkuara të Amerikës, Republikën Dominikane dhe në Estoni.

Këto kompani, me objekt veprimtari në fushën e turizmit, realizonin shitblerje të pronave të paluajtshme me vlera më të ulëta se ato realet në treg, me qëllim pastrimin e parave.

Njoftimi i policisë:

Tiranë/Finalizohet operacioni policor i koduar “Kapitali”.

Vihet sekuestro mbi 2 sipërfaqe toke në Dhërmi, 3 shoqëri tregtare, 2 automjete dhe llogari bankare.

Asetet, të përfituara nga 3 shtetas (familjarë të njëri-tjetrit), nëpërmjet mashtrimit kompjuterik dhe krijimit të shoqërive fiktive në Europë dhe Amerikë të Veriut, për shitblerje pronash të paluajtshme me vlera më të ulëta se ato realet në treg.

Skema e mashtrimit dyshohet se ka gjeneruar për përfituesit, rreth 30 milionë euro.

Si rezultat i hetimeve të thelluara, të kryera në drejtimin e Prokurorisë së Tiranës, me objektiv gjurmimin dhe sekuestrimin e pasurive të përfituara nga veprimtaritë kriminale, specialistët e Seksionit për Hetimin e Pastrimit të Parave dhe Aseteve Kriminale, në kuadër të operacionit policor të koduar “Kapitali”ekzekutuan urdhrin për vënien e sekuestros mbi 2 sipërfaqe toke në Dhërmi, 3 shoqëri tregtare, 1 automjet tip “Mercedes Benz AMG”, 1 automjet tip “Toyota Land Cruiser” dhe 3 llogari bankare.

Nga hetimet ka rezultuar se asetet ishin përfituar nga shtetasi A. C., babai i tij, shtetasi D. I. dhe nga partnerja e tij, shtetasja M. M., duke mashtruar qytetarë, nëpërmjet një platforme.

Për të kryer transaksione të kundërligjshme me këto para me burime kriminale, shtetasit kishin themeluar shoqëri tregtare fiktive, në Shqipëri, Spanjë, Portugali, Shtete të Bashkuara të Amerikës, Republikën Dominikane dhe në Estoni. Shoqëritë fiktive, me objekt veprimtari në fushën e turizmit, realizonin shitblerje të pronave të paluajtshme me vlera më të ulëta se ato realet në treg, me qëllim pastrimin e parave.

Materialet procedurale iu referuan Prokurorisë së Tiranës, për veprime të mëtejshme. /CNA