E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Pezullimi i vizave për Shqipërinë/ Gjergj Luca: Asistenca sociale për njerëzit e aftë për punë mbetet vdekje ndërkombëtare

15 Janar 2026, 19:49, Aktualitet CNA

Pezullimi i vizave për Shqipërinë/ Gjergj Luca: Asistenca sociale

Biznesmeni Gjergj Luca ka reaguar pas vendimit të SHBA për pezullimin e vizave, duke e lidhur këtë zhvillim me atë që ai e quan një problem të thellë shoqëror në Shqipëri, asistencën sociale për persona të aftë për punë.

Në një deklaratë të fortë publike, Luca u shpreh se asistenca sociale po e dëmton rëndë shoqërinë shqiptare dhe po krijon një kulturë mashtrimi dhe dembelizmi. Sipas tij, persona që janë fizikisht të aftë për punë përfitojnë padrejtësisht ndihma, duke mashtruar jo vetëm shtetin, por edhe brezat e ardhshëm.

Ai theksoi se ky mentalitet e rendit Shqipërinë mes vendeve që, sipas tij, “gënjejnë dhe nuk thonë të vërtetën”, duke dëmtuar imazhin ndërkombëtar të vendit, përfshirë marrëdhëniet me Shtetet e Bashkuara të Amerikës.

Gjergj Luca vlerësoi modelin amerikan dhe veçanërisht figurën e presidentit Donald Trump, të cilin e përshkroi si një shembull të suksesit që vjen vetëm përmes punës dhe djersës.

Në fund, Luca i bëri thirrje shoqërisë shqiptare të mësojë nga modeli amerikan dhe të heqë dorë nga varësia ndaj ndihmave sociale, duke e ndërtuar të ardhmen mbi punën dhe përgjegjësinë individuale.

"Asistenca sociale është shkatërrimi i Shqipërisë”. Kështu ka thënë ky burri që i beson atij zotnisë atje, Presidentit Trump.

Dhe kur kam dalë kam thënë që shkatërrimi i Shqipërisë është asistenca sociale, që t'ia ngul në tru, keni dalë në komentet tuaja dhe më keni sharë sepse kam thënë që njerëzit që marrin asistencë sociale, që janë me këmbë, me dorë e me sy, janë mashtruesa.

Dhe nuk mashtrojnë vetëm veten e vet, por mashtrojnë dhe brezat që do të vijnë, mashtrojnë fëmijët e tyre që i çojnë nëpër shkolla, marrin energji elektrike gratis, marrin lekë...

Dhe këtë histori e kanë shkuar dhe e kanë bërë dhe atje ku Presidenti i atij shteti është biznesmen, ka laps dhe letër dhe vetëm nëpërmjet djersës ka ecur përpara dhe ka shkuar atje ku duhet të shkojë me gjithë atë komb.

Zotërinj të nderuar, nuk ka problem politik këtu, por ne na kanë rreshtuar në ato vende që gënjejnë, në ato vende që nuk thonë të vërtetën.

Kështu që futeni në mend, sepse jemi populli më pro-amerikan në botë. Nga e vërteta e ndershme del vetëm puna, dhe nga puna del vetëm e vërteta. Nuk ka të vërtetë tjetër siç thoni ju nëpër kanalet televizive.

Kështu që mësoni nga ai komb i madh, mësoni nga ai burrë i madh, që duhet të punosh, duhet të djersisësh për të ecur përpara, për të mbajtur familjen dhe për të forcuar shtetin. Respekte Presidentit Trump dhe ju mësoni nga ai burrë!"/ CNA