E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

Tre autorët e dyshuar u liruan nga qelia/ Flet babai i Martin Çeços

15 Janar 2026, 14:43, Aktualitet CNA

Tre autorët e dyshuar u liruan nga qelia/ Flet babai i Martin

Gjykata e Apelit në Tiranë ka ndryshuar masën e sigurisë nga "arrest në burg" në "arrest shtëpie" për tre autorët e dyshuar të vrasjes së Martin Çeços. Lidhur me këtë vendim ka folur edhe Nevzat Çeço, babai i Martinit, i cili tha se masa “arrest shtëpie” është lirim nga burgu.

Në gjendje të rënduar emocionale, ai tha se djalin e tij nuk e vranë për një vajzë, por sepse zbuloi drogën që kishin mbjellë autorët e vrasjes.

“S'kam çfarë të them më. Djali më iku pa asnjë faj. Unë do ta ndjek që nesër. Do t’i përvëloj ata me benzinë, do t’i përvëloj, nuk i lë. Arrest shtëpie, lirim është. Mua nuk më dhimset jeta fare po nuk i zhduka ata. Nuk i lë, do ta them troç, le të më arrestojnë ç’të duan le të bëjnë, do t’ia gjej radhën do gjej një bidon me benzinë do t’i përvëloj si familje. Ata janë autorët, e kanë thënë me gojën e tyre vetë dhe tani t’i lirojnë. Djali nuk pati as takime me çupën, asgjë. Dy dashnorë i kishte pse nuk bëri krim në ata, por bëri në djalin tim. Ata kanë mbjellë drogë atje lart dhe për të zhdukur djalin tim kishin dalë në Maliq dy veta. E hape gojën, do të zhdukim i kishin thënë. Djali im s’kishte faj. Nuk besoj më në drejtësi, i dënoi 25 vjet, ia dhanë Tiranës. Thanë ky krim dënohet me burgim të përjetshëm, këta tani i liruan fare. Ka mbi 3 vjet, s'kam ç’them më unë do t’i djeg dhe do t’i them djalit e realizova planin tënd. Nuk dua të jetoj më dhe nuk e bëj veten të më arrestojnë. Do vras veten në mes të gjyqit atje. Djalin tim e bënë për krim. Ashtu si kam dëgjuar unë ata të dy (autorët) kanë mbjellë drogë bashkë me atë çobanin. Kur e pikasëm ne që kishin mbjellë drogën, i dolën djalit në Maliq. Në qoftë se hap gojën, do të vrasim, i kishin thënë. Ata u lidhën vetë me atë femrën. Nuk ishte lidhur djali. Djali kishte këtë në Goskovë. Ata se si e lidhën, për të bërë krimin”, u shpreh Çeço.

Tre autorët e dyshuar, Valter Mollaj, kushëriri i tij Edlir Mollaj dhe çobani Bleti Angjo janë liruar nga Gjykata e Apelit pasi kjo e fundit ka konstatuar humbjen e fuqisë së paraburgimit të caktuar në datë 20.06.2022, për shkak të tejkalimit të afatit të qëndrimit maksimal. Hetimet për vrasjen vijojnë për 3 personat.

Lidhur me ngjarjen, rikujtojmë se 26-vjeçari Martin Çeço u vra dhe më pas u hodh në rezervuarin e fshatit Kolanec të Maliqit në qershor të vitit 2022. Të tre u arrestuan pas dëshmisë së Tina Pajollarit, e cila vijon të jetë në burg lidhur me ngjarjen. Kjo e fundit u arrestua më vonë pasi dyshohet se ka qenë e pranishme në momentin e vrasjes. /CNA