web counter
LEXO PA REKLAMA!

SHKARKO APP

App Store
Google Play

E fundit!

x

Situata nga përmbytjet në Shkodër/ Në Obot lëvizja vijon me mjetet e ushtrisë

15 Janar 2026, 09:03, Aktualitet CNA

Situata nga përmbytjet në Shkodër/ Në Obot lëvizja

Situata e përmbytjeve në Shkodër është drejt përmirësimit.

Në përditësimin e bërë ditën e sotme, thuhet se është tërhequr niveli i ujit në zonat e prekura.

Sa i përket situatës në zonën e Obotit, ka një ulje të nivelit të ujit me 20 cm, krahasuar me një ditë më parë.

Lëvizja në fshatin Obot bëhet me mjetet e ushtrisë.

 

Njoftimi për situatën

 

Nga monitorimi i vazhdueshëm gjatë natës dhe orëve të para të mëngjesit, situata hidrologjike në territorin e Bashkisë Shkodër paraqitet e përmirësuar, me reduktim të ndjeshëm të sipërfaqes së tokës bujqësore me prezencë uji, nga rreth 760 ha ditën e djeshme në 590 ha sot, si rezultat i tërheqjes së niveleve të ujit në zonat e prekura.

Sipas matjeve të realizuara sot në orën 06:30, nivelet e ujit janë në rënie:

Buna – Ura e Pazarit: 8.40 m

Drini – Bahçallëk: 7.80 m

Buna – Dajç: 6.38 m

Në fshatin Obot dhe Njësinë Administrative Dajç është konstatuar ulje e nivelit të ujit rreth 20 cm, krahasuar me ditën e djeshme. Po ashtu, vihet re zbritje e nivelit edhe në liqen, duke ndikuar pozitivisht në normalizimin e situatës.

Në rrugën drejt fshatit Obot, qarkullimi sot realizohet me mjete të ushtrisë, duke garantuar lëvizjen dhe aksesin për banorët dhe shërbimet.

Sipërfaqja e tokës bujqësore me prezencë uji (ha):

Bërdicë: 10 ha

Velipojë: 90 ha

Dajç: 70 ha

Ana e Malit: 420 ha

Totali: 590 ha

Reduktimi i sipërfaqes së përmbytur konfirmon trendin pozitiv dhe stabilizimin gradual të situatës.

Mjetet dhe strukturat përgjegjëse vijojnë të jenë në terren dhe në gatishmëri, ndërsa monitorimi i situatës hidrologjike vazhdon pa ndërprerje.





Lajmet e fundit nga