web counter
LEXO PA REKLAMA!

SHKARKO APP

App Store
Google Play

"Diplomaci intensive parlamentare për anëtarësimin e Shqipërisë në BE"/ Kryetari i Kuvendit, Peleshi vizitë zyrtare në Itali

14 Janar 2026, 14:46, Aktualitet CNA

"Diplomaci intensive parlamentare për anëtarësimin e

Kryetari i Kuvendit, Niko Peleshi, ka vijuar me turin e diplomacisë parlamentare shqiptare për avancimin e procesit të anëtarësimit në Bashkimin Europian. Vizita zyrtare e radhës ishte në Itali, ku Peleshi zhvilloi një takim me Presidentin e Dhomës së Deputetëve të Parlamentit Italian, Lorenzo Fontana.

Kryeparlamentari theksoi se Italia mbetet partnere strategjike e Shqipërisë dhe një nga aleatet më të fuqishme në rrugëtimin drejt Bashkimit Europian. Ai nënvizoi se Shqipëria është vendi kandidat që po ecën më shpejt, me më shumë vendosmëri dhe qartësi drejt BE-së, ndërsa Kuvendi i Shqipërisë ka një rol udhëheqës në procesin e anëtarësimit.

Peleshi vuri në dukje gjithashtu se Shqipëria dhe shqiptarët janë faktor stabiliteti, sigurie dhe paqeje në rajon, duke vlerësuar mbështetjen e vazhdueshme të Italisë për integrimin euroatlantik të Kosovës. Ai riafirmoi se Bashkimi Europian është destinacioni i vetëm strategjik për Ballkanin Perëndimor.

Në takim u vlerësua gjithashtu zbatimi i Marrëveshjes së Pensioneve, për të cilën deri tani janë regjistruar rreth 3500 aplikime. U nënvizua gjithashtu rëndësia strategjike e Korridorit VIII, si një korridor kyç për konektivitetin, zhvillimin ekonomik, energjinë dhe sigurinë. Të dyja palët ranë dakord për vijimin e një bashkëpunimi intensiv parlamentar në të gjitha nivelet, përfshirë komisionet parlamentare dhe grupet e miqësisë.

Në këtë vizitë zyrtare, kryetari i Kuvendit shoqërohet nga deputetët Ogerta Manastirliu, Ermal Elezi, Skënder Pashaj dhe Eriona Ismaili, pjestarë të Grupit Parlamentar të Miqësisë me Italinë, si edhe nga Ambasadorja e Shqipërisë në Itali, Anila Bitri. /CNA





Lajmet e fundit nga