web counter
LEXO PA REKLAMA!

SHKARKO APP

App Store
Google Play

E fundit!

x

Arratisja e Ndocit/ Prençi: Mund të ketë pagesa deri në 1 milion euro, zinxhiri komandues duhet të ishte arrestuar

14 Janar 2026, 15:22, Aktualitet CNA

Arratisja e Ndocit/ Prençi: Mund të ketë pagesa deri në 1

Ish-drejtuesi i Policisë, Shemsi Prençi, ka komentuar arratisjen e Altin Ndocit nga spitali infektiv i Durrësit.

Sipas Prençit, sot duhet të ishte arrestuar i gjithë zinxhiri komandues në flagrancë, pasi pretendon se janë të implikuar në arratisjen e Ndocit.

“Sot doli urdhri për shkarkimin e drejtorit të burgut dhe zinxhirit komandues, por ata duhet të ishin arrestuar në flagrancë. Unë mendoj se janë implikuar,” u shpreh Prençi.

Ai ka theksuar se nuk kemi të bëjmë me shpërdorim detyre kur një person i tillë shoqërohet pa pranga dhe trajtohet si qytetar i lirë.

Sipas Prençit, mund të ketë pagesa deri në 1 milion euro që dikush të marrë përsipër një veprim të tillë.

“Nuk mund të quhet shpërdorim detyre kur një person i tillë lirohet pa pranga dhe trajtohet si qytetar i lirë. Këtu mund të ketë pagesa shumë të mëdha, edhe deri në 1 milion euro, që dikush të marrë përsipër një veprim të tillë. Sapo është shfaqur kamera, fakti që ai lëvizte i lirë tregon se kjo gjendje është lejuar nga vetë autoritetet. I paraburgosuri kishte kushte për të vrapuar dhe për t’u arratisur, kushte që ia ka krijuar vetë drejtoria e burgut,” ka deklaruar Prençi./ CNA





Lajmet e fundit nga