web counter
LEXO PA REKLAMA!

SHKARKO APP

App Store
Google Play

E fundit!

x

Arratisja e Altin Ndocit/ Maliqi: Ngjarje e mirorganizuar, protokolli i shkelur nga koka te këmbët

14 Janar 2026, 15:40, Aktualitet CNA

Arratisja e Altin Ndocit/ Maliqi: Ngjarje e mirorganizuar, protokolli i shkelur

Ish-deputeti dhe ish-zëvendësdrejtori i Përgjithshëm i Burgjeve, Lefter Maliqi, u ndal sot gjerësisht tek arratisja e të burgosurit Altin Ndoci.

I ftuar në “Syri TV”, Maliqi u shpreh se në gjykimin e tij bëhet fjalë për ngjarje të mirorganizuar.

Sipas Maliqit, protokolli i sigurisë në këtë rast është shkelur totalisht.

Maliqi shtoi se në rastet e shoqërimit të individëve me rrezikshmëri të lartë për shoqërinë nevojiten më shumë masa paraprake nga institucionet.

“Tani, unë ju flas edhe si ish-zëvendësdrejtor i burgjeve, por dhe si ish-drejtues policie në veri dhe në jug të Shqipërisë, edhe si ish-anëtar i komisionit të Sigurisë Kombëtare prej shtatë vitesh. Kjo nuk ishte një arratisje spektakolare. Kjo ishte një arratisje e ftohtë, e qetë, e mirorganizuar, në një zinxhir krimi të organizuar, që po të hetohet, për mua, dalin banditë brenda burgut, jashtë burgut, drejtues të burgjeve, deri tek IEVP-ja e Durrësit. Në rastin konkret, unë s'mund ta akuzoj që t'i them që është vrasës me pagesë derisa gjykata t'i japë vendimin final, por di që një operacion i 'Plumbit të Artë', që është bërë para disa vitesh, e kanë arrestuar për shkak të të penduarit të drejtësisë, Dumanit të vogël, se Dumani i madh ishte kreu i SPAK-ut.

Tani, meqenëse thashë, kam qenë zëvendësdrejtor i Përgjithshëm i burgjeve, ka një protokoll që është shkelur nga koka te këmbët. Çdo i paraburgosur dhe i burgosur në të gjithë IEVP-të e Republikës së Shqipërisë, pra në të gjithë paraburgimet dhe burgjet e Shqipërisë, kur kanë shqetësime shëndetësore, atëherë infermieri dhe mjeku, sepse çdo burg, IEVP, ka të atashuar mjekë dhe infermierë, konstaton sëmundjen dhe në qoftë se është për te spitali i burgut, dërgohet te spitali i burgut. Nëse nuk është për te spitali i burgut, bëhen shkresat kur thotë mjeku që duhen, ciklohen nga administrata e IEVP-së, në rastin konkret në Durrës, dhe vihet në dijeni përgjegjësja e shëndetësisë apo përgjegjësi i shëndetësisë pranë Drejtorisë së Përgjithshme të Burgjeve, ciklohet edhe nga drejtori i policisë së burgjeve dhe në anën ligjore në një komision, bëhen të gjitha shkresat, ciklohen nga Drejtori i Përgjithshëm i Policisë, i burgjeve, i cili autorizon IEVP-të për zbatim, duke njoftuar policinë rajonale.

Në rastin konkret për elementë me rrezikshmëri të lartë kriminale dhe shoqërore, njoftohet dhe Policia e Shtetit. Dhe shoqërimi bëhet me forca të shumta të DAP-it. Po, DAP-i është forca operacionale e burgjeve që janë të atashuara pranë SPAK-ut. Pra, janë forcat operacionale të burgjeve.

Njoftohen ata sepse është person me rrezikshmëri. Nuk është një person që është i dënuar për falsifikim, sepse ky person mund të vritet edhe nga rivalët kur vete për t'u vizituar në spital. Pra, përbën rrezikshmëri jo vetëm arratisjeje, por edhe... Dhe tani këtu kemi 'pakujdesi' të policëve fatkeq që rrinë me 50-60.000 lekë rrogë, që u futën, që u pezulluan dhe u morën, u arrestuan, apo një zinxhir”, -u shpreh Maliqi./CNA





Lajmet e fundit nga