web counter
LEXO PA REKLAMA!

SHKARKO APP

App Store
Google Play

E fundit!

x

Pezullimi i vizave nga SHBA/ Deputetja e PD-së: Kambanë alarmi për realitetin e Shqipërisë

14 Janar 2026, 20:24, Aktualitet CNA

Pezullimi i vizave nga SHBA/ Deputetja e PD-së: Kambanë alarmi

Deputetja e Partisë Demokratike, Ina Zhupa, ka reaguar lidhur me vendimin e Shteteve të Bashkuara për pezullimin e vizave për Shqipërinë, duke e cilësuar atë si një “kambanë alarmi” për gjendjen ku, sipas saj, ka përfunduar vendi nën qeverisjen e kryeministrit Edi Rama.

Në një deklaratë publike, Zhupa tha se për vite me radhë qeveria ka promovuar slogane mbi partneritetin strategjik, imazhin e përmirësuar dhe besueshmërinë ndërkombëtare, ndërkohë që sot Shqipëria, sipas saj, po renditet në të njëjtën kategori me shtete të njohura për izolim, paqëndrueshmëri dhe mungesë standardesh.

Sipas deputetes demokrate, ky zhvillim nuk është i rastësishëm, por pasojë e drejtpërdrejtë e një shteti të dobësuar nga korrupsioni, krimi i organizuar, lidhjet me narkotrafikun dhe nga institucione që, siç u shpreh ajo, funksionojnë për interesa politike dhe jo në shërbim të qytetarëve.

Zhupa theksoi se pasojat më të rënda bien mbi qytetarët shqiptarë, të cilët preken drejtpërdrejt nga vendime të tilla ndërkombëtare. Ajo e cilësoi situatën si një hap pas për Shqipërinë, jo për shkak se partnerët ndërkombëtarë kanë braktisur vendin, por për shkak, sipas saj, të dështimit të qeverisjes aktuale.

Në përfundim, Zhupa bëri thirrje për largimin e qeverisë, duke e konsideruar këtë si të domosdoshme për të mirën e vendit.

"Vendimi i SHBA-së për të pezulluar vizat për Shqipërinë është një kambanë alarmi për realitetin ku ka përfunduar vendi me qeverisjen e Edi Ramës!

Për vite kemi dëgjuar slogane për “partneritet strategjik”, “imazh të përmirësuar” dhe “besueshmëri ndërkombëtare”, ndërsa sot vendi ynë renditet në të njëjtën kategori me shtete që njihen për izolim, paqëndrueshmëri dhe mungesë standardesh.

Kjo nuk është rastësi. Është pasojë e drejtpërdrejtë e një shteti të dobësuar nga lidhjet me narkotrafikun, nga korrupsioni, nga krimi i organizuar dhe nga institucione që funksionojnë për interesa politike, jo për qytetarët.

Në fund, ata që dëmtohen janë qytetarët shqiptarë!

Ky është një hap prapa për Shqipërinë, jo sepse partnerët na kanë braktisur, por sepse qeverisja ka dështuar. Kjo qeveri e dështuar duhet larguar një orë e më parë për të mirën e vendit!", shkruan Zhupa./ CNA





Lajmet e fundit nga