web counter
LEXO PA REKLAMA!

SHKARKO APP

App Store
Google Play

E fundit!

x

Hakerimi i të dhënave të SPAK-ut/ Akuzat e Berishës: Arnold Rrokaj raportonte te Rama

16 Janar 2026, 13:21, Aktualitet CNA

Hakerimi i të dhënave të SPAK-ut/ Akuzat e Berishës: Arnold

Kreu i PD-së, Sali Berisha, ka folur për hakerimin e të dhënave të SPAK-ut, duke hedhur akuza se përfitues nga e gjithë kjo ka qenë kryeministri Edi Rama.

Sipas Berishës, Arnold Rrokaj, ish-punonjës i IMT-së, i arrestuar nga SPAK-u, dosja e të cilit bashkë me zyrtarë të tjerë është dërguar për gjykim, kishte numrin e kryeministrit dhe raportonte direkt tek ai për dokumentet që kishte ishin hakuar.

Ai u shpreh se ky përbën një nga krimet më të shëmtuara dhe më të rënda dhe tregon implikimin madhor të Ramës, ndaj dhe kërkon dorëheqjen e tij urgjente.

“Pra, besoj se edhe unë e kam denoncuar pa pasur asnjë dokument, dhe u kam deklaruar këtu se përfitues nga hakerimi ka qenë Edi Rama, një gjykatës, Ergys Agasi dhe e kam listën aty se kush kanë qenë porositësit e tyre.

Tani del fakt, nuk ka asnjë rëndësi, se Arnold Rrokaj do t’i raportonte direkt Ramës. Pra, kishte numrin e kryeministrit dhe do t'i jepte sihariqin e parë atij për faqet që kishin hakeruar.

Ky përbën një nga krimet më të shëmtuara dhe më të rënda. Ky është implikim madhor i Edi Ramës dhe unë kërkoj dorëheqjen e tij urgjente.

Të dashur qytetare dhe qytetarë, shikoni pra se si kreu i organizatës kriminale të ekzekutivit shqiptar kërkonte të vidhte dokumentet sekrete të hetimit vetëm e vetëm që të mund të kontrollonte këtë proces në mënyrat e tij.

E dënoj me ashpërsinë më të madhe këtë akt kriminal. Edhe njëherë kërkoj largimin e menjëhershëm nga detyra të kryeministrit.

Sikundër u bëj thirrje shqiptarëve të marrin në dorë fatet e ligjit dhe Kushtetutës në këtë vend sepse Edi Rama po kërkon t’i shkelmojë, t’i nënçmojë, t’i përdorë ato për qëllime krejtësisht kriminale të vetat”, tha Berisha./ CNA





Lajmet e fundit nga