web counter
LEXO PA REKLAMA!

SHKARKO APP

App Store
Google Play

Policia refuzon kërkesën e PD-së/ Ndalon mbajtjen e protestës së 6 dhjetorit para Kryeministrisë

25 Nëntor 2022, 21:19, Aktualitet CNA
Policia refuzon kërkesën e PD-së/ Ndalon mbajtjen e
Foto ilustruese

Partia Demokratike ka paralajmëruar mbajtjen e një proteste më 6 dhjetor, në të njëjtën ditë kur në Tiranë mbahet samiti BE-Ballkani Perëndimor.

Por policia ka refuzuar kërkesën e opozitës për të protestuar para Kryeministrisë.

Me një shkresë drejtuar Partisë Demokratike, policia argumenton se arsyeja e refuzimit është se bulevardi “Dëshmorët e Kombit” është pjesë e perimetrit të sigurisë.

Sipas saj, çdo organizim i kësaj natyre në zonën e perimetrit të sigurisë e përbën rrezik për sigurinë e samitit.

Policia thekson se është e gatshme të organizojë mbarëvajtjen e çdo tubimi jashtë këtij perimetri.

“Vendosa të ndaloj zhvillimin e tubimit të kërkuar nga ana Juaj në datën 06.12.2022, ora 12.00 deri në orën 16.00, në vendin e përcaktuar në kërkesë. Drejtoria Vendore e Policisë Tiranë mbetet e angazhuar për të garantuar të drejtën e çdo qytetari për të marrë pjesë në tubime paqësore dhe mirëpret çdo njoftim Tuajin për zhvillimin e tubimit në një vend alternativ, jashtë perimietrit të sigurisë'”, thuhet ndër të tjera në njoftim./ B.A. – CNA.al





Lajmet e fundit nga