web counter
LEXO PA REKLAMA!

SHKARKO APP

App Store
Google Play

E fundit!

x

Shqiptari kapet duke transportuar drogë në Angli/ ‘Nuk e dija çfarë kishte në bagazh’

25 Nëntor 2022, 17:56, Aktualitet CNA
Shqiptari kapet duke transportuar drogë në Angli/ ‘Nuk e dija
Pjerin Lleshi

Një shqiptar është kapur në Britaninë e Madhe duke transportuar kanabis me makinë.

Mediat e huaja raportojnë se 20-vjeçari Pjerin Lleshi u ndalua me një "Audi" të zi në Ponteland Road, Newcastle më 3 korrik të këtij viti.

Lleshi doli nga krahu i shoferit dhe tentoi të ikte, por u kap pas një ndjekjeje me vrap.

Në bagazhin e makinës, oficerët gjetën dy çanta të mëdha, të cilat përmbanin disa pako të mëdha vakum me kanabis që kapte vlerën rreth 42 mijë paund dhe një telefon Nokia.

20-vjeçari mohoi të ketë lidhje me drogën, ndërsa avokati mbrojtës, Brian Mark, tha se Pjerin Lleshi ishte paguar nga 300 deri në 400 £ për të çuar makinën nga një vend në një tjetër dhe nuk e dinte se çfarë kishte brenda saj.

“Ai nuk i pa çantat, nuk e dinte sa kanabis kishte. Nuk e kishte idenë se ishin 9 kilogramë”, tha avokati.

Lleshi u deklarua fajtor për trafikimin e lëndëve narkotike dhe u dënua me shtatë muaj e gjysmë burgim nga Gjykata e Kurorës së Newcastle. Për shkak të kohës që është mbajtur në paraburgim, ai do të lirohet menjëherë./ B.A. – CNA.al

Shqiptari kapet duke transportuar drogë në Angli/ ‘Nuk e dija





Lajmet e fundit nga