web counter
LEXO PA REKLAMA!

SHKARKO APP

App Store
Google Play

Kokaina në thasët me pleh kimik/ SPAK-u zbardh detaje

25 Nëntor 2022, 11:11, Aktualitet CNA

Kokaina në thasët me pleh kimik/ SPAK-u zbardh detaje

Kreu i SPAK-ut, Arben Kraja, dhe prokurori Adnan Xholi kanë dhënë detaje për operacionin antidrogë në Frakull të Fierit, ku është zbuluar kokainë në thasët me pleh kimik.

Ngarkesa sipas prokurorit Xholi është bërë në maj të vitit 2022.

"Kemi regjistruar që në fund të korrikut veprën penale për trafik të lëndëve narkotike. Ky procedim është hetuar në bashkëpunim të ngushtë me policinë e shtetit, BKH dhe disa agjenci të huaja ndërkombëtare dhe në bashkëpunim të ngushtë me autoritetet malazeze të drejtësisë.

Ekzistonin të dhëna se në maj 2022 në portin e Kolumbisë ishte ngarkuar një ngarkesë me pleh kimik, që do të shkonte në Pire Greqi dhe më pas në Mal të Zi i porositur nga një shtetas shqiptar.

Kanë vijuar hetimet dhe nga verifikimi që kanë bërë autoritetet shqiptare rezultoi se porositës i mallit ishte një shtetas shqiptar që kishte hapur një aktivitet tregtar në Shqipëri në 2022-shin.

Pasi sasia me pleh ka mbërritur në Shqipëri janë kryer veprimet doganore.

U pa e udhës që të mos ndaleshin vetëm te porositësi, por dhe tek organizatorët, bashkëpunëtorët. Nga ana e GJKKO janë autorizuar dhe janë pranuar kërkesat tona për arrestimin e 4 personave.
10 masa sigurimi janë ekzekutuar dhe 14 për kontrolle.

Janë sekuestruar 15 mijë euro, 3 automatikë, 3 pistoleta, 108 fishekë, 18 aparate celularë, 5 automjete, 20 paleta me 24 ton pleh artificial, brenda të cilit 430 kg kokainë, me vlerë 40 mln euro", ka treguar Xholi./CNA.al





Lajmet e fundit nga