web counter
LEXO PA REKLAMA!

SHKARKO APP

App Store
Google Play

Zbulimi i laboratorit të drogës/ Paralajmëron Çuçi: Asnjë kompromis me krimin

25 Nëntor 2022, 20:12, Aktualitet CNA
Zbulimi i laboratorit të drogës/ Paralajmëron Çuçi:
Ministri i Brendshëm, Bledi Çuçi

Ministri i Brendshëm, Bledi Çuçi, ka reaguar mbrëmjen e sotme për zbulimin e laboratorit të Fier në sajë të operacionit që vuri në pranga 10 persona.

Çuçi e shikon këtë operacion si një punë të kryer shumë mirë nga policia, me profesionalizëm dhe integritet.

Ai paralajmëron se nuk do të bëjë asnjë kompromis me krimin dhe këdo që bëhet palë me të.

“Finalizimi me sukses i operacionit për goditjen e një grupi të strukturuar kriminal në Fier, me 10 të arrestuar deri më tani dhe sekuestrimin e një sasie të konsiderueshme të dyshuar si kokainë, është një tjetër punë e kryer shumë mirë nga Policia e Shtetit. Profesionalizëm dhe integritet prej momenteve të para kur nisën hetimet dhe deri në goditjen e fundit. Asnjë kompromis me krimin dhe kujtdo që bëhet palë me të. Frontalisht përballë atyre që shkelin ligjin e mbjellin pasiguri. Përgëzime Policisë së Shtetit dhe veçanërisht efektivëve që morën pjesë në këtë operacion”, thekson ministri./ B.A. – CNA.al





Lajmet e fundit nga