web counter
LEXO PA REKLAMA!

SHKARKO APP

App Store
Google Play

Majlinda Bregu: Teknologjitë digjitale dhe media sociale, një çartje e re e abuzimit ndaj vajzave dhe grave

25 Nëntor 2022, 18:18, Aktualitet CNA
Majlinda Bregu: Teknologjitë digjitale dhe media sociale, një
Sekretarja e Përgjithshme e Këshillit për Bashkëpunim Rajonal, Majlinda Bregu

Në Ditën Botërore të Eliminimit të Dhunës ndaj Grave, sekretarja e Përgjithshme e Këshillit për Bashkëpunim Rajonal, Majlinda Bregu, ka dhënë një mesazh të fortë.

Me anë të një statusi në rrjetet sociale, Bregu thotë se dhuna nuk është thjesht një incident, por një model sjelljeje për të ruajtur pushtetin dhe kontrollin mbi tjetrin.

Ajo deklaron se dhuna ndaj grave nuk po mundet të ndalet edhe pas shumë përpjekjeve, pasi teknologjitë digjitale dhe mediat sociale po bëhen një ndihmesë për të poshtëruar publikisht gra dhe vajza.

“Gratë e dinë më së miri, dhuna nuk është thjesht një incident, por një model sjelljeje për të ruajtur pushtetin dhe kontrollin mbi tjetrin. Jo vetëm fizikisht, jo vetëm brenda vendit. Dhuna, përçmimi, gurët nën taka( që të thyesh qafën), janë forma abuzimi që ndodhin kudo e për këdo.

Madje edhe nëse çdo grua që ka patur një mision publik është përpjekur të bëjë diçka për t’i vënë fre dhunës ndaj grave, asnjëra nuk ka mundur e s’po ia del dot të ndalë një çartje të re të abuzimit: atë që mundësohet sot nga teknologjitë digjitale, media sociale të dedikuara për të poshtëruar publikisht gra dhe vajza.

Bota online pasqyron dhe imiton po ato struktura pushteti e modele diskriminimi që ka bota offline”, shkruan Bregu./ B.A. – CNA.al





Lajmet e fundit nga