web counter
LEXO PA REKLAMA!

SHKARKO APP

App Store
Google Play

E fundit!

x

Emërohet shefi i krimeve dhe i komisariatit në Berat/ Kush janë dy figurat që zëvendësuan "policët e kanabisit"

25 Nëntor 2022, 17:57, Aktualitet CNA

Emërohet shefi i krimeve dhe i komisariatit në Berat/ Kush janë

Drejtoria Vendore e Policisë Berat ka bërë dy emërime të reja, në kuadër të zëvendësimit të ish-zyrtarëve të lartë të policisë që u shkarkuan pak kohë më parë pas kapjes së serave me kanabis në Drenovicë, ku u hoqën nga posti 7 funksionarë të lartë të policisë.

Në postin e shefit të Krimeve është emëruar Ledjon Ferzaj, i cili më parë ka shërbyer si specialist krimesh në këtë drejtori.

Ndërsa Kryekomisari Altin Mena, është emëruar Shef i Komisariatit të Beratit.

Ata zëvendësuan Ardrit Hasanbegaj dhe Sokol Lazaj, të përjashtuar nga Policia e Shtetit.

Me urdhrin nr.300, Drejtoria e Përgjithsme e Policisë së së Shtetit, ka urdhëruar delegimin e të gjitha kompetencave miratuese dhe urdhëruese të dy të emëruarve të rinj.

Kujtojmë se pak kohë më parë u emërua drejtuesi i lartë Kastriot Skënderaj në postin e drejtorit të ri të Drejtorisë Vendore të Policisë Berat

7 punonjësit e Policisë së Beratit dhe Dimalit janë përjashtuar nga radhët e Policisë së Shtetit, pas zbulimit të serës me kanabis në fshatin Drenovicë. Përjashtimi nga policia e shtetit të këtyre efektivëve, erdhi si pasojë e mosevidentimit të kanabisit të kultivuar në serë, nga strukturat vendore të Policisë së Beratit, pasi një gjë e tillë është tërësisht e patolerueshme dhe e ndëshkueshme. Po ashtu është shkarkuar Drejtori i Policisë Berat Edmond Tarkaj si dhe është ulur në gradë për 6 muaj. Të përjashtuar kanë mbetur: 

1. Kryekomisar Baki Musaku, me detyrë Shef Sektori për Krimet, në DVP Berat;
2. Kryekomisar Sokol Lazaj, me detyrë Shef i Komisariatit të Policisë Berat;
3. Komisar Ardit Hasanbegaj, me detyrë Shef i Seksionit për Krimet, në Komisariatin e Policisë Berat;
4. Nënkomisar Artan Musaj, me detyrë Shef i Stacionit të Policisë Dimal;
5. Nënkomisar Miço Rakazija, me detyrë Specialist për Krimet, në Stacionin e Policisë Dimal;
6. Inspektor Vladimir Toska, me detyrë Ndihmësspecialist për Policimin në Komunitet, në Stacionin e Policisë Dimal;
7. Inspektor Gazmend Sulaj, me detyrë Ndihmësspecialist për Policimin në Komunitet, në Stacionin e Policisë Dimal./CNA.al





Lajmet e fundit nga