web counter
LEXO PA REKLAMA!

SHKARKO APP

App Store
Google Play

E fundit!

x

“PD s’ka asnjë dobi për shqiptarët”/ Ekonomisti Shano, thirrje Dumanit: Jepu drejtësi shqiptarëve

20 Dhjetor 2023, 22:29, Aktualitet CNA
“PD s’ka asnjë dobi për shqiptarët”/ Ekonomisti
Ekonomisti Dritan Sheno

Ekonomisti Dritan Sheno ka komentuar zhvillimet në politikë ku kryefjala e ditëve të fundit është çështja e ish-kryeministri Sali Berisha.

Shano gjatë një interviste është shprehur se drejtësia e re në Shqipëri ka prishur marrëveshjet mes të majtës dhe të djathtës. Sipas tij, kjo marrëveshja do vazhdojë do prishet deri në rezultate përfundimtare, deri në pastrimin e politikës.

 “Ish-kryeministri u braktis në zgjedhjet e 14 majit. Opozitën nuk mund ta ringjalli drejtësia në kuptimin zbatimit të saj, por opozitën e ngjall mbështetja e drejtësisë, pa kushte. Drejtësia po prodhon politikë. Drejtësia ka prishur marrëveshjen që ka ekzistuar mes të majtës dhe të djathtës. Kjo marrëveshja do vazhdojë do prishet deri në rezultate përfundimtare, deri në pastrimin e politikës. Ngjarja e Shkodrës humbja në zgjedhjet  14 majit tregon se shqiptarët e kanë kuptuar këtë gjë”, tha ai.

Më tej ekonomisti ka inkurajuar kreun e SPAK, Altin Dumani që të vijojë të ndëshkojë politikanët dhe keqbërësit e mëdhenj në Shqipëri.

Shano tha se Dumani dhe njerëzit që janë pranë tij kanë të gjithë kurajën nga shqiptarët për t’u dhënë atyre drejtësi.

 “Unë e inkurajoj Dumanin dhe të gjithë njerëzit e tjerë që janë të përfshirë në dhënien e drejtësisë. Drejtësia është për të mbrojtur qytetarët nga politikanët dhe nga këto keqbërës të mëdhenj. Në Shqipëri ka munguar rregulli i lojës. Dumani dhe njerëzit që janë pranë tij kanë të gjithë kurajën nga shqiptarët për t’u dhënë atyre drejtësi”, tha ai.

Gjithashtu ka folur për PD-në duke thënë se nuk ka më asnjë dobi si parti për shqiptarët dhe se i ka rënë plani.

“Ka një parti të Berishës, biles një shoqatë, dhe ka një parti personale të Bashës dhe asgjë më shumë se sa kaq. PD nuk ka asnjë dobi për shqiptarët. PD i ka rënë plani”, tha ai./ CNA





Lajmet e fundit nga