LEXO PA REKLAMA!

SHKARKO APP

App Store
Google Play

“Nuk shkoj në bashki për të zhvatur”/ Jul Deda, shuplakë Bashës: Nuk është garë e tipit “Luli”

28 Nëntor 2022, 23:15, Aktualitet CNA
“Nuk shkoj në bashki për të zhvatur”/ Jul Deda,
Aktori Julian Deda

Aktori Julian Deda, i cili do të garojë në Primare për Bashkinë e Tiranës, është shprehur se nëse do të arrijë të zgjidhet do të bashkëpunojë në gjithçka me stafin e tij, për çdo vendim në çfarëdo lloj fushe.

“PD-së i jam bashkuar që kur doli në opozitë. Ky që kemi është marrë me mediat, bandat, shpifjen e çdo gjë tjetër veçse me punët e qytetit. Unë nuk kam vendosur ta bëj vetëm në këtë punë, nëse do jem kandidati i zgjedhur, s’jam gjithçkaditës e nuk flas për gjithçka, por do të mundohem të kem staf të shkëlqyer me të cilët do konsultohem për çdo fushë e më pas do marr vendimin. Unë nga profesioni që vij, është tepër human, jemi gati si mjekë pavarësisht se nuk përdorim bisturi e stetoskop”, ka thënë Juli.

Ndër të tjera, Deda ka ironizuar ish-kryetarin e PD-së, Lulzim Basha. I ftuar në emisionin “5 Pyetje nga Babaramo”, aktori tha se nuk niset në bashki me skenarin për të zhvatur që nesër të jetë kryetari i PD-së, duke thënë se gara aktuale është e pastër dhe jo e tipit të Lulit, ku çdokush në parti punonte për të.

“Unë mendoj se jam një format tjetër, nuk nisem të shkoj në bashki për ta zhvatur e ta mjel si lopë që nesër të jem kryetar i PD-së. Është një garë e pastër. Nuk ka garë në këtë vend pa gëc-mëc se dhe me gruan në çift, nuk të shkon vaj. Nuk ka gara të tipit Lul-Eduard dhe e gjithë partia punonte për Lulin. Është garë ndaj 7 personave me botëkuptime të ndryshme që i ofrohen si alternativë demokratëve për ta çuar përballë socialistit që do të jetë ose jo Erion Veliajt”, tha Deda./ CNA.al

Lajmet e fundit nga