web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Nanos/ Ish-presidenti i Malit të Zi: La gjurmë të fortë në forcimin e stabilitetit rajonal

1 Nëntor 2025, 21:44, Aktualitet CNA

Ndarja nga jeta e Nanos/ Ish-presidenti i Malit të Zi: La gjurmë

Ish-presidenti i Malit të Zi, Milo Gjukanoviç, ka reaguar për ndarjen nga jeta të ish-kryeministrit Fatos Nano. Në një reagim në “X”, Gjukanoviç e ka cilësuar Nanon si një nga politikanët më të shquar shqiptarë pas ndryshimeve të viteve 1990.

Ai shton më tej se ish-kryeministri la një gjurmë të fortë dhe zhvillimin demokratik dhe ekonomik të Shqipërisë, si dhe në forcimin e stabilitetit rajonal. Ish-presidenti malazez i ka shprehur ngushëllimet familjes së Nanos.

Postimi i plotë:

Me keqardhje e mora lajmin për vdekjen e Fatos Nanos, ish-Kryeministrit të Republikës së Shqipërisë dhe Kryetarit të Partisë Socialiste të Shqipërisë, një nga politikanët më të shquar shqiptarë pas ndryshimeve të viteve 1990, në të cilat luajti një rol pionier. Ai la një gjurmë të fortë në kursin e ri të vendit dhe zhvillimin e tij demokratik dhe ekonomik, si dhe në forcimin e stabilitetit rajonal.

Do ta ruaj kujtimin e Fatosit, bashkëpunimin konstruktiv të qeverive tona dhe kontributin në forcimin e marrëdhënieve të gjithanshme të fqinjësisë së mirë dhe miqësore, si dhe përpjekjet në realizimin fillestar të qëllimeve të përbashkëta strategjike evropiane dhe euroatlantike.

I shpreh ngushëllimet e mia të sinqerta familjes, miqve dhe shokëve të partisë së Fatos Nanos.

/CNA





Lajmet e fundit nga