web counter
LEXO PA REKLAMA!

SHKARKO APP

App Store
Google Play

E fundit!

x

Pas trajnimit në Shkollën e Magjistraturës/ KPA kthen në detyrë gjyqtarin dhe dy prokurorët

31 Tetor 2025, 20:12, Aktualitet CNA

Pas trajnimit në Shkollën e Magjistraturës/ KPA kthen në

Pasi u dërguan për një vit për riedukim në Shkollën e Magjistraturës dhe pasi kanë marrë rezultatet e provimit përfundimtar, janë rikthyer sot në detyrë me vendim përfundimtar të Kolegjit të Posaçëm të Apelimit, gjyqtari Laurent Fuçia dhe dy prokurorët Julian Xhengo dhe Juljan Çafka.

Në përfundim të gjykimit,  bazuar në nenin 59, pika 1, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Kolegji ka vendosur konfirmimin në detyrë të gjyqtarit dhe prokuroëve, për të cilët, gjatë procesit të vetting-ut janë evidentuar problematika në kriterin e vlerësimit të aftësive profesionale.

Njoftimi:

Trupi gjykues i Kolegjit të Posaçëm të Apelimit, i përbërë nga Ina Rama kryesuese, Natasha Mulaj relatore, Albana Shtylla, Rezarta Schuetz, Sokol Çomo anëtarë, vijoi shqyrtimin në dhomë këshillimi, me qëllim marrjen e vendimit përfundimtar për çështjen (JR) nr. 70/2021, datë 23.11.2021, që i përket ankimit të Komisionerit Publik, me subjekt rivlerësimi Juljan Çafka, kundër vendimit nr. 442, datë 14.09.2021 të Komisionit të Pavarur të Kualifikimit, pas njoftimit të rezultateve të provimit përfundimtar prej Shkollës së Magjistraturës.

Në përfundim të gjykimit, trupi gjykues, bazuar në nenin 59, pika 1, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi:

Konfirmimin në detyrë të subjektit të rivlerësimit Juljan Çafka.

Konfirmimin në detyrë të subjektit të rivlerësimit Julian Xhengo.

Konfirmimin në detyrë të subjektit të rivlerësimit Laurent Fuçia.

Ky vendim është përfundimtar dhe ka efekt të menjëhershëm.

U shpall sot, më datë 31.10.2025, në Tiranë./CNA





Lajmet e fundit nga