E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Konflikti për aeroportin e Vlorës/ Pacolli, në Prokurorinë e Tiranës: E kam lënë çdo gjë në dorë të drejtësisë

31 Tetor 2025, 13:47, Aktualitet CNA

Konflikti për aeroportin e Vlorës/ Pacolli, në Prokurorinë e

Biznesmeni Behgjet Pacolli është paraqitur ditën e sotme në Prokurorinë e Tiranës. Pacolli ka qëndruar në Prokurori për rreth 3 orë, ndërsa raportohet se është pyetur mbi çështjen dhe konfliktin për aeroportin e Vlorës. Pas daljes nga ambientet e prokurorisë, Pacolli ka folur shkurtimisht për mediat.

“Unë isha këtu për të dhënë dëshmi për përgjigjen penale që ne kemi parashtruar dhe si person i informuar më duket se është e drejtë që të shkoj dhe të tregoj kronologjinë e çështjeve. Pala tjetër ka bërë kallëzim, ne i jemi përgjigjur kallëzimit të tyre. Isha këtu për kallëzimin që vëllai im ka bërë ndaj disa personave që ju e dini ndaj kujt, dhe unë isha si person i informuar, për të plotësuar ose për të dhënë informata për këtë çështje”, ka thënë ai.

Në përgjigje të pyetjeve të gazetarëve, Pacolli tha se qeveria shqiptare nuk ka asnjë lidhje me këtë. Ai ka shtuar se çështjen e ka lënë në dorë të drejtësisë, dhe ka theksuar se aeroporti i Vlorës do të bëhet.

"Këtu nuk ka të bëjë asgjë qeveria. Është e padrejtë të përmendet dikush nga qeveria. Nuk ka qeveria këtu asgjë. E kam lënë në dorë të drejtësisë. Unë besoj shumë te drejtësia e në vendimet gjyqësore dhe do të veproj ashtu si do të pasojnë vendimet gjyqësore. Çdo gjë është në rregull. Aeroporti i Vlorës do të bëhet dhe do të jetë më i bukuri", tha Pacolli. /CNA