web counter
LEXO PA REKLAMA!

SHKARKO APP

App Store
Google Play

E fundit!

x

Neni për shkarkimin e Veliajt/ Avokati gënjen para Gjykatës Kushtetuese

31 Tetor 2025, 12:31, Aktualitet CNA

Neni për shkarkimin e Veliajt/ Avokati gënjen para Gjykatës

Avokatët e Erion Veliajt kanë gënjyer para trupës së Gjykatës Kushtetuese duke pretenduar se neni 115 i Kushtetutës përcakton se qeveria mund të marrë një vendim të tillë vetëm për shkelje të rënda të Kushtetutës ose të ligjeve.

Sa i përket kësaj, avokatët kanë përmendur dhe dy shkresat e dërguara nga Endrit Shabani dhe Ilir Alimehmeti.

“Në lidhje me pretendimet për shkeljen e së drejtës për një proces të rregullt ligjor, vetëm 15 ditë pas arrestimit të Veliajt, këshilltari i Këshillit Bashkiak, Endri Shabani, i paraqiti kërkesë këshillit për nisjen e procedurave për shkarkimin se nga arrestimi ishte krijuar boshllëk në bashki. Shkak që nuk parashkruhet as në Kushtetutë dhe as në ligjin për qeverisjen vendore. Pra, Shabani propozoi shkarkimin bazuar në një shkak ekstrajuridik. Kjo kërkesë nuk u trajtua. Më 09.05.2025, këshilltari demokrat Ilir Alimehmeti drejtoi kërkesën për shkarkimin e Veliajt për shkak të mangësisë 3-mujore. Edhe për këtë kërkesë nuk u mor vendim. Më 18.9.2025, këshilltarët e PS-së në Tiranë kërkuan propozimin e shkarkimit të Veliajt për shkak të mungesës për më shumë se tre muaj në detyrë dhe siç thuhet në kërkesë në zbatim të orientimeve politike të partisë që përfaqëson. Mbledhja e këshillit është thirrur vetëm në zbatim të kërkesës së grupit të PS-së, pra në rend dite ka qenë kjo kërkesë, por po në këtë relacion është propozuar nga mazhroanca dhe është votuar pro kërkesës së këshilltarëve të PD-së dhe Shabanit. Pas kësaj janë miratuar tri kërkesat e mësipërme, pra si shkak për propozimin e shkarkimit ka qenë edhe shkaku ekstraligjor nga Shabani. Në këtë situatë është cenuar në mënyrë të drejtëpërdrejtë parimi i shtetit të së drejtës se vetë nisma për shkarkimin është nisur nga një bazë ekstrajuridike. Ligji parashikon qartë rastet e përfundimit të mandatit, por nuk njeh si shkak shkarkimi boshllëkun. Kjo d.m.th. se këshilli nuk ka vepruar mbi baza ligjore, por mbi motive nga diskursi politik, duke e shndërruar procesin administrativ në një veprim politikisht të motivuar”, tha ai.

Por në të dyja shkresat, si të Endrit Shabanit, si dhe të Ilir Alimehmetit, citohet neni 61 dhe neni 62 pika c.

Neni për shkarkimin e Veliajt/ Avokati gënjen para Gjykatës

Neni për shkarkimin e Veliajt/ Avokati gënjen para Gjykatës

Neni 61 parashikon se mandati i kryetarit të bashkisë mund të përfundojë përpara kohe kur krijohen kushte të pamundësisë së ushtrimit të detyrës dhe neni 62 pika c, i cili thotë se “Bazuar në ligjin nr. 139/2015 për vetëqeverisjen vendore të ndryshuar neni 62 shkronja c që shprehet se kryetari i bashkisë shkarkohet me vendim të Këshillit të Ministrave në rastet kur pika c propozohet për shkarkim nga Këshilli Bashkiak përkatës për mosparaqitje në detyrë për një periudhë 3-mujore të pandërprerë”.

Këshilli Bashkiak i është referuar pikërisht këtij neni për shkarkimin e Veliajt dhe jo nenit 115, të cilit i referohet avokati i Erion Veliajt.

Kështu që bazuar në këto fakte, avokatët e Veliajt kanë gënjyer para anëtarëve të Gjykatës Kushtetuese./ CNA





Lajmet e fundit nga