E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

A është i burgosur politik Erion Veliaj sipas ChatGPT?

31 Tetor 2025, 09:24, Aktualitet CNA

Studio ligjore lobiste të Erion Veliajt, pak ditë para zhvillimit të seancës në Gjykatën Kushtetuese, të njohur për taktikat e tyre, nxorën një raport në mbrojtje të ish-kryebashkiakut.

Raporti përmbante 24 faqe ku në krye të tij thuhej “Raporti i Kasowitz LLP dhe Mishcon de Reya sa i përket persekutimit politik të Erion Veliajt, kryebashkiakut të Tiranës".

Ky raport vjen nga kompanitë e lobimit, të cilat ashtu siç është raportuar më parë janë paguar 300 mijë dollarë.

Raporti i studiove ligjore të lobimit shkonte në të njëjtën linjë sulmi që është nisur që prej fillimit, që nga arrestimi i Erion Veliajt ndaj prokurorëve dhe ndaj SPAK-ut, ku thuhej se ndalimi i Veliajt ishte i padrejtë.

Po qëndrojmë te fakti që studio lobiste të Veliajt theksojnë se është i persekutuar politik.

Për këtë pyetëm ChatGPT, i cili në një përgjigje përmbledh disa të dhëna që mund t’i lexoni më poshtë:

Të burgosurit politikë janë persona që ndalohen, arrestohen ose dënohen, jo për krime të zakonshme, por për bindjet, veprimtarinë ose qëndrimet e tyre politike, ideologjike apo shoqërore.

Ja një përmbledhje e shkurtër për ta:

Përkufizimi

Një i burgosur politik është dikush që ndodhet në burg ose në ndalim sepse:

ka kundërshtuar qeverinë ose pushtetin në mënyrë paqësore; ka shprehur mendime që nuk përputhen me ideologjinë zyrtare;

ka marrë pjesë në protesta apo lëvizje politike të ndaluara;

ose është akuzuar me motive politike (p.sh. akuza të fabrikuara për ta heshtur).

Shembuj historikë

Në Shqipëri gjatë regjimit komunist (1944–1991): mijëra njerëz u burgosën, internuan ose ekzekutuan për arsye politike — intelektualë, klerikë, ish-zyrtarë, apo qytetarë që shprehën mendim ndryshe nga Partia e Punës. Burgu i Spaçit dhe ai i Qafë-Barit janë simbole të kësaj periudhe.

Në vende të tjera: gjatë diktaturave në Europën Lindore, Amerikën Latine apo Azi, shumë kundërshtarë të regjimeve u quajtën “armiq të shtetit” dhe u burgosën për pikëpamjet e tyre.

Sot

Edhe në ditët e sotme, organizata si "Amnesty International" dhe "Human Rights Watch" monitorojnë raste të të burgosurve politikë në vende ku mungon liria e shprehjes ose ku drejtësia përdoret për qëllime politike.

Pra, edhe sipas këtyre të dhënave, nuk rezulton se Veliaj është i burgosur politik siç thonë studio lobiste të ish-kryebashkiakut. Arrestimi i tij është bërë pasi është kapur me fakte dhe me prova ashtu siç ka treguar dhe SPAK-u me 9 herë korrupsion, me shpërdorim detyre, me fshehje pasurie, me pastrim të produkteve të veprës penale, dhe futjen e sendeve të paligjshme në qeli.

Këto janë 13 akuza për 5 vepra të rënda penale që në asnjë rast nuk kanë të bëjnë me persekutimin apo burgosjen politike./ CNA