Gjykata Kushtetuese tërhiqet për të dhënë vendim për Veliajn

31 Tetor 2025, 17:00, Aktualitet CNA

Gjykata Kushtetuese tërhiqet për të dhënë vendim

Gjykata Kushtetuese ka njoftuar tërheqjen për të dhënë një vendim, pasi ka dëgjuar edhe përfundimet gjatë seancës plenare publike së kësaj të premteje ndaj ish-kryebashkiakut të Tiranës, Erion Veliaj.

Seanca filloi në orën 10:00 dhe zgjati 7 orë.

Seanca ndaj Veliajt u zhvillua lidhur me këtë objekt:

“Shfuqizimi i vendimit të Këshillit të Ministrave nr. 539, datë 25.09.2025 “Për shkarkimin nga detyra të Kryetarit të Bashkisë Tiranë, z. Erion Veliaj”, si i papajtueshëm me Kushtetutën e Republikës së Shqipërisë”. Shfuqizimi i dekretit të Presidentit të Republikës nr. 350, datë 1.10.2025 "Për caktimin e datës së zgjedhjeve të pjesshme vendore për Kryetar Bashkie, për disa njësi të qeverisjes vendore", për pjesën që cakton datën e zgjedhjeve vendore në Bashkinë Tiranë, si i papajtueshëm me paragrafin 2 dhe 3 të nenit 115 të Kushtetutës. Pezullimi i efekteve juridike të dekretit të Presidentit të Republikës nr. 350, datë 1.10.2025 "Për caktimin e datës së zgjedhjeve të pjesshme vendore për Kryetar Bashkie, për disa njësi të qeverisjes vendore", për pjesën që cakton datën e zgjedhjeve vendore në Bashkinë Tiranë, në zbatim të efekteve pezulluese që paragrafi 2 dhe 3 i nenit 115 i Kushtetutës i njeh ankimit kushtetues të Kryetarit të Bashkisë, ndaj vendimit të Këshillit të Ministrave për shkarkimin, deri në marrjen e vendimit nga Gjykata Kushtetuese”./CNA