web counter
LEXO PA REKLAMA!

SHKARKO APP

App Store
Google Play

PROFIL- Ndër vite/ Jeta dhe karriera politike e Fatos Nanos

31 Tetor 2025, 16:16, Aktualitet CNA


Këtë të premte u nda nga jeta në moshën 73-vjeçare ish-kryeministri dhe ish-kryesocialisti Fatos Nano.

Jeta dhe familja

Fatos Nano u lind në Tiranë më 16 shtator 1952. I biri i Thanas Nanos, një ish-drejtor i Radio Televizionit Shqiptar dhe Maria Nano (Shuteriqi) një nëpunëse civile. Nano u rrit në lagjen pranë rrugës “Hoxha Tahsim” në Tiranë.

PROFIL- Ndër vite/ Jeta dhe karriera politike e Fatos Nanos

Shkollimi

Nano mbaroi gjimnazin “Sami Frashëri” në Tiranë. Kreu studimet e larta në Universitetin e Tiranës, në Fakultetin e Ekonomisë. Në vitin 1975 kreu specializimin në Ekonomi Politike.

Në vitin 1983 mori titullin "Doktor i Shkencave" ne fushën e ekonomisë, ndërsa në vitin 2000 titullin "Profesor Doktor" në fushën e ekonomisë.

PROFIL- Ndër vite/ Jeta dhe karriera politike e Fatos Nanos

Vitet e para në profesion 

Pas diplomimit në vitin 1978, Nano punoi në drejtimin e fabrikave metalurgjike të Elbasanit deri në vitin 1981. Nga viti 1981 deri në vitin 1984, Nano shërbeu si ekonomist në Fermën Bujqësore të Priskës në Tiranë. Në vitin 1984, ai u emërua si studiues i problemeve socio-ekonomike dhe reformave të ekonomive të tregut të vendeve të Bllokut Lindor në Institutin e Studimeve Marksiste-Leniniste në Tiranë, ku punoi deri në vitin 1990.

PROFIL- Ndër vite/ Jeta dhe karriera politike e Fatos Nanos

Angazhimi në politikë

Nano e filloi karrierën e tij politike në dhjetor të vitit 1990, ku u emërua për herë të parë si Sekretar i Përgjithshëm i Këshillit të Ministrave. Në janar të vitit 1991, ai u ngrit në detyrë në pozicionin e Zëvendëskryeministrit, në qeverinë e Adil Çarçanit. Kongresi i 10-të i Partisë së Punës u mbajt në qershor 1991 dhe më pas zgjodhi Nanon si udhëheqësin e ri të Partisë Socialiste më 13 qershor 1991. Më 1 shtator 2005 Nano dha dorëheqjen si kryetar i Partise Socialiste.

PROFIL- Ndër vite/ Jeta dhe karriera politike e Fatos Nanos

Detyra si kryeministër

Në fund të shkurtit 1991, Nano emërohet si Kryeministër të qeverisë kalimtare me qëllim organizimin e zgjedhjeve të para demokratike post-komuniste në vend. Nano shërbeu si Kryeministër i Shqipërisë në vitin 1991, nga viti 1997 deri në vitin 1998 dhe nga viti 2002 deri në vitin 2005.

PROFIL- Ndër vite/ Jeta dhe karriera politike e Fatos Nanos

Dënimi

Pasi Partia Demokratike e Shqipërisë fitoi zgjedhjet parlamentare të 22 marsit 1992, Parlamenti ngriti një komision në fillim të vitit 1993 për të hetuar aktivitetin e Fatos Nanos për korrupsion dhe abuzim të dyshuar me menaxhimin e ndihmës humanitare të dhënë nga shteti italian gjatë krizës ekonomike që zgjati nga viti 1990 deri në fillim të vitit 1992.

PROFIL- Ndër vite/ Jeta dhe karriera politike e Fatos Nanos

Më 3 prill 1994, Nano u dënua me dymbëdhjetë vjet burg. Nano u shpall i pafajshëm nga një gjykatë në Tiranë për abuzim të dyshuar me pushtetin dhe korrupsion në vitin 1999.

PROFIL- Ndër vite/ Jeta dhe karriera politike e Fatos Nanos

Nano u lirua nga burgu në mars të vitit 1997. 

PROFIL- Ndër vite/ Jeta dhe karriera politike e Fatos Nanos

Jeta personale

Nano kishte dy fëmijë nga martesa e parë me Rexhina Nanon, djalin Sokol dhe vajzën Eda. Më 9 nëntor 2002 lidhi martesë me Xhoana Nanon./CNA

 

 





Lajmet e fundit nga